اۋليەاتادا «ۇلى دالا ەلىنىڭ كيەلى مۇراسى» اتتى تاريحي ەكولوگيالىق اكتسياسى اياسىندا «مەنىڭ تاريحىم، مەنىڭ حالقىم، مەنىڭ ەلىم» اتتى وبلىستىق جاستار ەكسپەديتسياسى ءوتتى، دەپ حابارلايدى adyrna.kz ۇلتتىق پورتالى جامبىل وبلىسى اكىمى اپپاراتى «قوعامدىق كەلىسىم» كمم ءباسپاسوز ورتالىعىنا سىلتەمە جاساپ.
اتالعان ءىس-شارانى جامبىل وبلىسى قازاقستان حالقى اسسامبلەياسى مەن جامبىل وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسى ۇيىمداستىردى. "قوعامدىك كەلىسىم كمم عىلىمي-ساراپتامالىق ءبولىمىنىڭ باسشىسى البينا تاپاەۆا ەكسپەديتسيانىڭ باستى ماقساتى – وسكەلەڭ ۇرپاقتى قازاقستاندىق بىرەگەيلىك پەن پاتريوتيزم رۋحىندا تاربيەلەۋ ەكەنىن ايتادى. سونداي-اق، ول جاستاردى ولكەنىڭ تاريحىمەن تانىستىرىپ، ۇلتتىق مۇرانى دارىپتەۋ اسا ماڭىزدى ەكەنىن ەسكەرتتى.
– ءبىز جاستاردى مادەني-رۋحاني تۇرعىدا تاربيەلەپ، قوعامدىق كەلىسىمدى قالىپتاستىرۋعا شاقىرۋىمىز كەرەك. جاستار اراسىندا وسىندا يگى ىستەر ۇيىمداستىرساق، حالىقتىڭ بىرلىگى ارتا تۇسەتىنى جاسىرىن ەمەس. سونىمەن قاتار بۇل جوبا قازاقستان جاستارىن تابيعاتقا ۇقىپتىلىقپەن قاراۋعا جانە تابيعاتتى ەستەتيكالىق تۇرعىدا قابىلداۋعا ىقپال ەتەدى. ەكسپەديتسيانىڭ تاعى ءبىر ماقساتى تاريحي ەسكەرتكىشتەردى دارىپتەپ، مادەني، رۋحاني قۇندىلىقتار نەگىزىندە وتانسۇيگىشتىك قاسيەتتى نىعايتۋ بولىپ سانالادى. بارشامىزعا بەلگىلى قاسيەتتى اۋليەاتا وڭىرىندە يۋنەسكو-نىڭ تىزىمىنە كىرگەن تاريحي-مادەني ەسكەرتكىشتەر وتە كوپ. ونىڭ ۇستىنە ەلباسىنىڭ «رۋحاني جاڭعىرۋ» باعدارلاماسى بويىنشا ەلىمىزدىڭ 100 تاريحي-مادەني ەسكەرتكىشتەرى انىقتالدى. مىنە وسى 100 نىساننىڭ 8-ءى ءبىزدىڭ وبلىسىمىزعا تيەسىلى بولىپ وتىرعانى ۇلكەن ماقتانىش. جالپى ەكسپەديتسيا جاس ۇرپاقتى قازاقستان حالقىنىڭ ۇلتتىق مادەنيەتىن، تىلدەرى مەن داستۇرلەرىن ساقتاپ، قالپىنا كەلتىرۋگە جانە دامىتۋعا تاربيەلەيدى، – دەيدى البينا تاپاەۆا
ەكسپەديتسيانىڭ باعىتى وبلىستىڭ بىرقاتار ايماقتارىن قامتىدى. اكتسياعا قاتىسۋشىلار ەكى توپقا ءبولىنىپ، ەكى باعىتتا وبلىسىمىزدىڭ كيەلى، تاريحي-مادەني جەرلەرىنە ەكسكۋرسيا جۇرگىزدى. ءبىرىنشى باعىتتاعى توپ تاراز قالاسى، بايزاق، ت.رىسقۇلوۆ، شۋ، قورداي، مەركى اۋداندارىنىڭ كيەلى جەرلەر تاريحىمەن تانىسسا، ەكىنشى باعىتتاعى توپ تاراز قالاسى، جامبىل، جۋالى، تالاس، مەركى اۋداندارىنا ساياحاتتادى.
سونىمەن قوسا ەكسپەديتسياعا قاتىسۋشى جامبىل وبلىسى قازاقستان حالقى اسسامبلەياسى «اق جەلكەن» جاستار ليگاسى، «جاڭعىرۋ جولى» جاستار قوزعالىسى وڭىرلىك شتابىنىڭ مۇشەلەرى جانە ەكسپەديتسيا ۇيىمداستىرۋشىلارى رەسپۋبليكا كولەمىندە ءوتىپ جاتقان #Birge#TazaQazaqstan ەكولوگيالىق اكتسياسىن قولداپ، اكتسيا اياسىندا شۋ قالاسىنداعى «بايان سۇلۋ» ەسكەرتكىشى ماڭىنداعى ساياباقتا تازارتۋ جۇمىستارىن جۇرگىزدى. اكتسيانىڭ ماڭىزدىلىعى جوعارى، بۇل ەكسپەديتسيا شىلدەنىڭ 31-نە دەيىن جالعاسىن تاپتى.
"ادىرنا"
ۇلتتىق پورتالى
