قازاق ءتىلدى قوعام ورىس تىلدىلەردىڭ قۇلى

263

ورىس ءتىلدى قازاقتاردىڭ ء(تىلىن مۇلدەم ۇمىتقاندار) جانىندا كوپ جۇرگەندىكتەن ولاردىڭ تانىم تۇسىنىگىن جاقىن تانيمىن. ولار نازارباەۆتى قولدايدى، ونىڭ ايتقان سوزدەرىن ۇنەمى تىڭدايدى. مەنىڭ تەرەڭدەپ بارىپ ۇققانىم، ولار نازارباەۆتىڭ تەك ورىسشا عانا سويلەگەنىن قالايدى. جان دۇنيەسى دە نازارباەۆ دەپ تۇرادى. ونى دەلتا پۆ كومپانياسىندا يۋريست بولىپ جۇمىس جاساعان ءادىلجان دەگەن جىگىتتەن انىق كوردىم. ول ەلباسى جولداۋ جولدايدى دەپ، بىلتىر وفيستەن شىعىپ، ۇيىنە تارتىپ تۇرعاندا اڭ تاڭ بولدىم. ال، قازاق ءتىلدى قوعام جولداۋ دەگەندى ولسە دە قابىلدامايدى. ولار سەنبەيدى. سەنىمى ولگەن. ورىس تىلدىلەردىڭ بۇل ۇستانىمى نەنى بىلدىرەدى؟ نەگە دەگەن ءبىر زاڭدى سۇراق سۋماڭدايدى. راسىندا نەگە؟ نەگە دەسەڭىز، بۇكىل تەندەر ورىس تىلدىلەردىڭ قولىندا، بۇكىل قارجى ورىس تىلدىلەردىڭ قولىندا، بۇكىل بيزنەس ورىس تىلدىلەردىڭ قولىندا، بۇكىل ءىس قاعازداردى ورىس تىلدىلەردىڭ قولىندا. ولار بارلىق تاراپتان تولىق قامتاماسىزداندىرىلعان. بار بيلىك سولاردا. ولار سول ءۇشىن ورىس ءتىلدى، ورىس بيلىكتىڭ يەسى، جانى ورىسقا جاقىن نازارباەۆتى ءولىپ تالىپ قولدايدى. مىنە، جانى مەن رۋحى ءبىر، رۋحتاس، قازاقتىلدى قوعامدى توناۋشى وليگارحيالىق توپ وسىلار. ال، قازاق ءتىلدى قوعام شە؟ قازاق ءتىلدى قوعام ولاردىڭ قۇلى. بار جۇمىسىن، بار تەندەردەگى تابىسىن قازاق ءتىلدى قوعام تاۋىپ بەرىپ جاتىر. ولار قازاق ءتىلدى قوعامدى وتە تومەن سانايدى. ەليتا دەپ تانىمايدى. سەبەبى جوعارىدا ايتىلىپ تۇر. ولار قاتتى بايىپ كەتكەن. ولارعا ءۇي مەن جايدى، وتە قىمبات كولىكتى اۋىستىرۋ تۇككە دە تۇرمايدى. مەن جانىندا ءجۇرمىن عوي ولاردىڭ.

ويان، قازاق ءتىلدى قوعام! ويان، مىناۋ ەلدىڭ قوجايىنى سەندەرسىڭدەر.

 

بەكبولات قارجان

"ادىرنا" ۇلتتىق پورتالى

پىكىرلەر