قۇرمەتتى، جىر سۇيەر قاۋىم! 2024 جىلى 25-28 قىركۇيەك ارالىعىندا الماتى قالاسى مادەنيەت باسقارماسىنىڭ قولداۋىمەن حالىقارالىق “تۇرىكسوي” ۇيىمى جانە "تۇلعا-دوستىق" قوعامدىق قورى الماتى قالاسىندا «تۇركى دۇنيەسى جاس اقىندارىنىڭ حالىقارالىق پوەزيا فەستيۆالىن» ۇيىمداستىرادى.
فەستيۆالدىڭ ماقساتى:
- تۇركى دۇنيەسىنىڭ بىرلىگىن ناسيحاتتاۋ;
- تۇركى دۇنيەسى جاس اقىندارىنىڭ بايلانىسىن نىعايتۋ;
- تۇركى دۇنيەسىنىڭ ادەبيەتى مەن مادەنيەتىن دارىپتەۋ;
- تۇركى دۇنيەسى جاس اقىندارىنىڭ كوز اياسىن كەڭەيتۋ، تىڭ شىعارمالار جازىلۋىنا مۇرىندىق بولۋ.
بۇل مادەني شاراعا قازاقستاننان، تۇركيادان، ازەربايجاننان، وزبەكستاننان، قىرعىزستاننان، تۇركىمەنستاننان تۇركى دۇنيەسى ەلدەرىنەن جاس اقىندار كەلەدى. مادەني شارانىڭ اشىلۋىنا مادەنيەت سالاسىنىڭ باسشىلارى، حالىقارالىق «تۇرىكسوي» ۇيىمىنىڭ باس حاتشىسى سۇلتان راەۆ،
قىرعىزستان جازۋشىلار وداعىنىڭ توراعاسى قانابەك يماناليەۆ جانە قازاقستان جازۋشىلار وداعىنىڭ توراعاسى مەرەكە قۇلكەنوۆ، تاعى باسقا زيالى قاۋىم وكىلدەرى قاتىسادى.
ءسىزدىڭ 26 قىركۇيەك ساعات 11:00-دە جەتىسۋ اۋدانى "پوەزيا اللەياسىندا" وتەتىن فەستيۆالدىڭ سالتاناتتى اشىلۋىنا،
وسى كۇنى ساعات 17:00-دە “الاتاۋ” ءداستۇرلى ونەر تەاترىندا وتەتىن جىر كەشىنە كەلىڭىزدەر!
ءبىز سىزدەردى كۇتەمىز! اقىندار شاھارى الماتىعا جىر جاۋعانىنا كۋا بولىڭىزدار.
