قر ەنەرگەتيكا مينيسترلىگى اۆتوگاز باعاسىنىڭ بەنزين باعاسىنا دەيىن قىمباتتاۋى مۇمكىن ەكەنىن ايتتى، دەپ حابارلايدى "ادىرنا" ۇلتتىق پورتالى. بۇل تۋرالى ەنەرگەتيكا مينيسترلىگى باسشىسىنىڭ ورىنباسارى الىبەك جاماۋوۆ مالىمدەدى.
«ءيا، ءبىز باعانى كوتەرۋدى كەزەڭ-كەزەڭىمەن جوسپارلاپ وتىرمىز. بيىل ءبىز 5-8 تەڭگەگە كوتەردىك، كەلەسى جىلى 10 تەڭگەگە دەيىن كوتەرۋدى جوسپارلاپ وتىرمىز. سوڭعى باعا ايماققا بايلانىستى، ءار ايماقتا ءارتۇرلى باعالار بولادى. الماتىدا-75, 85 تەڭگە بولادى... وسىلايشا سۇيىتىلعان مۇناي گازىنىڭ باعاسى بەنزينمەن تەڭەستىرىلگەندە، اۆتوموبيل اۋەسقويلارى سۇيىتىلعان مۇناي گازىنا اۋىسۋدى توقتاتادى»، - دەدى جاماۋوۆ سارسەنبى كۇنى ءماجىلىس الاڭىندا.
ول مينيسترلىك سۇيىتىلعان مۇناي گازىنىڭ اينالىمىن باقىلاپ وتىرعانىن اتاپ ءوتتى.
"وتكەن جىلى دا بيىل دا تاپشىلىق بايقالمايدى", – دەدى ول.
سونداي-اق، ول كوپتەگەن قازاقستاندىقتار قازىردىڭ وزىندە سۇيىتىلعان مۇناي گازىنان باس تارتىپ، تاۋارلىق گازعا كوشكەنىن اتاپ ءوتتى.
"قازىر ءبىز اۆتوموبيل اۋەسقويلارى پايدالاناتىن گاز تۋرالى ايتىپ وتىرمىز. ونىڭ قۇنى بەنزين باعاسىمەن باياۋ تۇردە تەڭەسەتىن بولادى", — دەپ تۇيىندەدى الىبەك جاماۋوۆ.
بۇل شارانىڭ ادامدار ۇيلەرىن جىلىتاتىن تاۋارلىق گازدىڭ باعاسىنا اسەر ەتپەيتىنى ايتىلادى.
