2025 جىلعى 1 تامىزدان باستاپ قازاقستاندا سۇيىتىلعان مۇناي گازىنىڭ (اۆتوگاز) بولشەك ساۋداداعى تومەنگى باعاسى قىمباتتادى. بۇل تۋرالى ەنەرگەتيكا مينيسترلىگىنىڭ جارلىعىندا ايتىلدى، دەپ حاباردايدى “ادىرنا”.
ەنەرگەتيكا ءمينيسترى ەرلان اقكەنجەنوۆ قول قويعان قۇجاتقا سايكەس، اۆتوگاز باعاسى استانا مەن الماتى قالالارى ءۇشىن 9,8%-عا قىمباتتاپ، ءبىر ءليترى 102 تەڭگەدەن 112 تەڭگەگە دەيىن كوتەرىلدى. شىمكەنت قالاسى ءۇشىن 13,3%-عا ارتىپ، 102 تەڭگە بولدى. اقتوبە، اتىراۋ جانە باتىس قازاقستاندا اۆتوگازدىڭ ءليترى 85 تەڭگە تۇرادى. ەڭ ارزان باعا ماڭعىستاۋ وبلىسىندا – 72 تەڭگە.
سونىمەن بىرگە ەنەرگەتيكا مينيسترلىگى سۇيىتىلعان مۇناي گازىنىڭ كوتەرمە باعاسىن دا جىل اياعىنا دەيىن 15%-عا كوتەردى. ەندى ول 59 722 تەڭگە تۇرادى.
ۇقساس جاڭالىقتار
