QR Energetıka mınıstrligi avtogaz baǵasynyń benzın baǵasyna deıin qymbattaýy múmkin ekenin aıtty, dep habarlaıdy "Adyrna" ulttyq portaly. Bul týraly Energetıka mınıstrligi basshysynyń orynbasary Álibek Jamaýov málimdedi.
«Iá, biz baǵany kóterýdi kezeń-kezeńimen josparlap otyrmyz. Bıyl biz 5-8 teńgege kóterdik, kelesi jyly 10 teńgege deıin kóterýdi josparlap otyrmyz. Sońǵy baǵa aımaqqa baılanysty, ár aımaqta ártúrli baǵalar bolady. Almatyda-75, 85 teńge bolady... Osylaısha suıytylǵan munaı gazynyń baǵasy benzınmen teńestirilgende, avtomobıl áýesqoılary suıytylǵan munaı gazyna aýysýdy toqtatady», - dedi Jamaýov sársenbi kúni májilis alańynda.
Ol mınıstrlik suıytylǵan munaı gazynyń aınalymyn baqylap otyrǵanyn atap ótti.
"Ótken jyly da bıyl da tapshylyq baıqalmaıdy", – dedi ol.
Sondaı-aq, ol kóptegen qazaqstandyqtar qazirdiń ózinde suıytylǵan munaı gazynan bas tartyp, taýarlyq gazǵa kóshkenin atap ótti.
"Qazir biz avtomobıl áýesqoılary paıdalanatyn gaz týraly aıtyp otyrmyz. Onyń quny benzın baǵasymen baıaý túrde teńesetin bolady", — dep túıindedi Álibek Jamaýov.
Bul sharanyń adamdar úılerin jylytatyn taýarlyq gazdyń baǵasyna áser etpeıtini aıtylady.
