قازاقستاندا سۇيىتىلعان گاز تاپشىلىعى جانە ونىڭ باعاسىنىڭ ءوسۋى كۇتىلۋدە. بۇل تۋرالى اقوردادا قر ەنەرگەتيكا ءمينيسترى الماسادام ساتقاليەۆ ايتتى، دەپ جازادى "ادىرنا".
اتىراۋ مۇناي وڭدەۋ زاۋىتىندا جوندەۋ جۇمىستارى ءجۇرىپ جاتقاندىقتان، كەيبىر ايماقتارعا گاز اقتوبە وبلىسىنداعى زاۋىتتان جەتكىزىلدى.
جاقىن كۇندەرى زاۋىت تولىق قۋاتىنا شىعىپ، ماسەلە شەشىمىن تاپپاق. ساتقاليەۆتىڭ ايتۋىنشا، قيىندىقتار جەتكىزۋ جانە وپەراتورلاردىڭ تيىمدىلىگىنە بايلانىستى بولدى. ەلىمىزدە موتور وتىنى رەتىندە سۇيىتىلعان مۇناي گازىن تۇتىنۋدىڭ ايتارلىقتاي ءوسۋى بايقالادى.
ساتقاليەۆ جاقىن ارادا باعا بولجامىن بەرۋگە ۋادە بەردى. ولار گازدى كەم دەگەندە قۇنىنا جەتكىزۋ ءۇشىن كەزەڭ-كەزەڭىمەن وسىرەدى. قازىر قازاقستاندا سۇيىتىلعان گازدىڭ باعاسى 50-80 تەڭگە ارالىعىندا. بۇل رەتتە ونىڭ قۇنى ەڭ تومەنگى 110 تەڭگەنى قۇرايدى.
