ەلىمىز سۇيىتىلعان مۇناي گازىن اۆتوموبيل كولىگىمەن اكەتۋگە ءۇش جىل مەرزىمگە جانە تەمىرجول كولىگىمەن اكەتۋگە التى اي مەرزىمگە تىيىم سالماق، دەپ حابارلايدى «ادىرنا» ۇلتتىق پورتالى Ulysmedia.kz سايتىنا سىلتەمە جاساپ.
ەنەرگەتيكا مينيسترلىگى سۇيىتىلعان مۇناي گازىن تاسىمالداۋدىڭ كەيبىر ماسەلەلەرى تۋرالى" بۇيرىق ازىرلەدى.
«ءونىمدى ءبولۋ تۋرالى كەلىسىم نە قازاقستان رەسپۋبليكاسىنىڭ پرەزيدەنتى بەكىتكەن جەر قويناۋىن پايدالانۋعا ارنالعان كەلىسىمشارت شەڭبەرىندە ءوندىرۋدى جۇزەگە اسىرعان، نە جەر قويناۋىن پايدالانۋشىلاردىڭ اكەتۋىن قوسپاعاندا، قازاقستان رەسپۋبليكاسىنىڭ اۋماعىنان سۇيىتىلعان مۇناي گازىن، پروپاندى جانە بۋتاندى اۆتوموبيل كولىگىمەن اكەتۋگە ءۇش جىل مەرزىمگە جانە تەمىرجول كولىگىمەن اكەتۋگە التى اي مەرزىمگە تىيىم سالۋ ەنگىزىلسىن», – دەلىنگەن حابارلامادا.
ۆەدومستۆو شەكتەۋ قازاقستاننىڭ ىشكى نارىعىن سۇيىتىلعان مۇناي گازىمەن قامتاماسىز ەتۋ ماقساتىندا ەنگىزىلىپ جاتقانىن مالىمدەدى.
بۇيرىق جوباسى 24 قازانعا دەيىن تالقىلانادى.
ايتا كەتەيىك، بۇدان بۇرىن رەسەيلىك مۇناي قازاقستان ءونىمىن وزبەكستان نارىعىنان ىعىستىرعانى حابارلانعان.
«ادىرنا» ۇلتتىق پورتالى
