ەل جاققا

2077
Adyrna.kz Telegram

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك پوەزيا» اتالىمى بويىنشا لەسبەك ۇلمەكەن مىرزابەكقىزى.

 

اۆتور: ۇلمەكەن لەسبەك:

بايلانىس تەلەفونى: 8 702 169 77 95

قۇم بەتكەيىندە تۋىلعان شىعار،
ماحامبەتتىڭ دە ارۋى.
تولقىن سۋىمەن جۋىنعان شىعار،
قاسقا سۋ بەتكەي قاۋىمى.

سىر كەلبەتىندە لاعىلدى شىنار،
مۇنارتادى دا تۇرادى.
سول جاقتاعىلار باقىتتى شىعار،
قۇماردان ۇرا قۇرادى.

ساعىندىم سوناۋ دالامدى كەرىم،
دالامدى ءسۇيدىم سۇيگەسىن.
دارىعان مىنەز باباما مەنىڭ،
جامالى جازىق ۇيلەسىم.

ساعىنتتى ماعان انامدى ولار،
ءشايى كويلەكتى بەينەسىن.
كوپشىگىن جاستاپ وتىرعان بولار،
ساباقتاپ ۇشكىر ينەسىن.

بالا شاق سۇلۋ سىردىڭ سامالىن
جۇتۋشى ەك جۇپار كەش كىرسە.
تاعاتتاپ ماڭگى قالار امالىم
بولمادى، جالعان بەس كۇرسە.

بەستىگە اكەم العاندا مەنى،
قۇشۋشى ەم ارقا تەرلەگەن.
سەزىنسەم جۋسان جۋىقتاس ءيىس،
اكەمنىڭ ءيسى دەر مە ەكەم؟!

شاقىرىپ ساعىم، اتىراپتارىم،
كەل، -دەيدى، دالا، كەل باققا.
ساعىنا بەرمەي، شاعىلا بەرمەي،
بارىپ قايتام - اۋ ەل جاققا.

پىكىرلەر