سولتۇستىك قازاقستان وبلىسىندا 497 ميلليون تەڭگە بولاتىن جەر تەلىمدەرى مەملەكەتكە قايتارىلدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، جەر كودەكسى تالاپتارىن بۇزعان جانە ماقساتسىز قولدانىلعان جەرلەر قايتارىلدى.
مىسالى، تايىنشا جانە ءۋاليحانوۆ اۋداندارىندا جەر كودەكسى تالاپتارىن بۇزا وتىرىپ، مەنشىك يەلەرى ۇزاق ۋاقىت بويى جالپى كولەمى 25,1 مىڭ گەكتار اۋىل شارۋاشىلىعى جەرلەرىن نىسانالى ماقساتى بويىنشا پايدالانباعان.
سوت قاداعالاۋ شارالارى ارقىلى جەر مەملەكەت مەنشىگىنە قايتارىلىپ، بۇگىنگى كۇنى زاڭدى ەكونوميكالىق اينالىمعا تارتىلۋدا.
«جىل باسىنان بەرى پروكۋرورلار جالپى قۇنى 497 ميلليون تەڭگەدەن استام جەر تەلىمدەرىن مەملەكەتكە قايتاردى»، دەلىنگەن حابارلامادا.
ۇقساس جاڭالىقتار
