سولتۇستىك قازاقستان وبلىسىندا گاز قۇيۋ ستانتسياسىنىڭ جۇمىسكەرى اۋىر جاراقات الدى. ونىڭ دەنەسى 90 پروتسەنتكە كۇيىپ قالعان. بۇل تۋرالى ەسىل اۋداندىق توتەنشە جاعدايلار ءبولىمى مالىمدەدى، دەپ حابارلايدى “ادىرنا” ۇلتتىق پورتالى.
ەسىل اۋداندىق توتەنشە جاعدايلار ءبولىمىنىڭ باسشىسى جۇلدىز ەسەنعازيننىڭ ايتۋىنشا، بۇل وقيعا ياۆلەنكا اۋىلىندا بولعان. گاز قۇيۋ ستانتسياسىندا بەس ليترلىك گاز باللونى جارىلدى.
"ستانتسيانىڭ 42 جاستاعى جۇمىسكەرى گازدى ولشەۋگە ارنالعان بەس ليترلىك باللوندى وپەراتور وتىراتىن بولمەگە كىرگىزگەن. ونى باتتارەيانىڭ جانىنا قويعان. سودان باللون جارىلىپ، ارتىنان ءورت باستالعان. ەر ادامنىڭ دەنەسى 90 پروتسەنتكە كۇيىپ قالدى", - دەيدى جۇلدىز ەسەنعازين.
قازىرگى كەزدە زارداپ شەككەن جۇمىسشى جانساقتاۋ بولىمىندە جاتىر، جاعدايى اۋىر. وسى وقيعادان كەيىن قىلمىستىق ءىس قوزعالدى. تەرگەۋ شارالارى جۇرگىزىلىپ جاتىر.
