2024 جىلعى 18 قىركۇيەكتە قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ ر. ب. سۇلەيمەنوۆ اتىنداعى شىعىستانۋ ينستيتۋتى جانە يسلام ىنتىماقتاستىعى ۇيىمى (OIC) جانىنداعى يسلام تاريحى، ونەرى مەن مادەنيەتىن زەرتتەۋ ورتالىعى (IRCICA), اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسى بىرلەسىپ، «التىن وردا جانە ونىڭ مۇراگەرلەرىنىڭ ارابجازۋلى ەپيگرافيكاسى» تاقىرىبىندا حالىقارالىق عىلىمي سەمينار وتكىزەدى.
بۇل عىلىمي سەمينار «التىن وردادان كەيىنگى قوعامنىڭ ءداستۇرى مەن مادەنيەتىندەگى ساباقتاستىق پەن وزگەرىستەر (باتىس قازاقستان، ەدىل-ورال، داعىستان، حورەزم ايماقتارىنداعى ەپيگرافيكالىق ەسكەرتكىشتەردى سالىستىرمالى زەرتتەۋ)» اتتى جوبانى جۇزەگە اسىرۋدا اتقارىلىپ جاتقان باستى ءىس-شارالاردىڭ ءبىرى بولماق.
سەمينار بارىسىندا مىناداي تاقىرىپتار تالقىلانادى:
- التىن وردا وركەنيەتى ورنالاسقان تاريحي ايماقتاردىڭ ەپيگرافيكاسى: جاڭا ولجالار جانە ولاردىڭ ينتەرپرەتاتسياسى;
- قازاقستاننىڭ ەپيگرافيكالىق ەسكەرتكىشتەرىن كورشىلەس مەملەكەتتەردەگى ارابجازۋلى جادىگەرلەرمەن سالعاستىرمالى-سالىستىرمالى زەرتتەۋ;
- التىن وردا وركەنيەتى تاريحي ايماقتارىنىڭ دامۋى جانە مادەني داستۇرلەردىڭ تۇراقتى تۇرلەرىنىڭ قالىپتاسۋى.
سەمينار ءۇش تىلدە: قازاق، ورىس، اعىلشىن تىلدەرىندە جانە وفلاين / ونلاين فورماتتارىندا جۇرگىزىلەدى.
سەمينار جۇمىسى بارىسىندا ينستيتۋت قىزمەتكەرلەرى جارىققا شىعارعان «ابات-بايتاق» قورىمىنىڭ ارابجازۋلى ەپيگرافيكالىق ەسكەرتكىشتەرى» جانە «ءماشھۇر ءجۇسىپ كوپەيۇلى. «ريسالا-ي جانايز (جانازا كىتابى)» كىتاپتارىنىڭ تانىستىرىلىمى وتەدى.
عىلىمي سەمينارعا شىعىس ەپيگرافياسىن زەرتتەۋشى جەتەكشى وتاندىق مامان-عالىمدار: س.ە. اجىعالي، ءا.ق. ءمۇمينوۆ، ن.ا. قۇلباەۆ، ا.ش. نۇرمانوۆا، ب.د. دۇيسەنوۆ جانە ت.ب. قاتىسادى.
شەتەلدەن شاقىرىلعان بايانداماشىلار، ياعني ەپيگرافيالىق ەسكەرتكىشتەردى زەرتتەۋشى ماماندار: زايتسەۆ ي.ۆ. (ماسكەۋ، رەسەي), بابادجانوۆ ب.م. (تاشكەنت، وزبەكستان), زاكارياەۆ ز.ش. (ماحاچكالا، داعىستان، رەسەي), وسمان كابادايى (كىرشەحير، تۇركيا), اليدوست ەرتۋعرۋل (IRCICA), گاينۋتدينوۆ ا.م. (قازان، تاتارستان، رەسەي), بوبروۆنيكوۆ ۆ.و. (موسكۆا، رەسەي), يارلىكاپوۆ ا.ا. (موسكۆا، رەسەي) جانە ت.ب. قاتىسادى.
سەمينار جۇمىسىن ونلاين فورماتتا zoom ارقىلى قاتىسىپ، كورۋگە بولادى:
https://us06web.zoom.us/j/82697669822?pwd=PuMJSjziVtvlVOPs8pvBQfUTbR7haw.1
