2024 jylǧy 18 qyrküiekte Qazaqstan Respublikasy Ǧylym jäne joǧary bılım ministrlıgı Ǧylym komitetınıŋ R. B. Süleimenov atyndaǧy Şyǧystanu instituty jäne İslam Yntymaqtastyǧy Ūiymy (OIC) janyndaǧy İslam tarihy, önerı men mädenietın zertteu ortalyǧy (IRCICA), Aqtöbe oblysynyŋ mädeniet, arhivter jäne qūjattama basqarmasy bırlesıp, «Altyn Orda jäne onyŋ mūragerlerınıŋ arabjazuly epigrafikasy» taqyrybynda halyqaralyq ǧylymi seminar ötkızedı.
Būl ǧylymi seminar «Altyn Ordadan keiıngı qoǧamnyŋ dästürı men mädenietındegı sabaqtastyq pen özgerıster (Batys Qazaqstan, Edıl-Oral, Daǧystan, Horezm aimaqtaryndaǧy epigrafikalyq eskertkışterdı salystyrmaly zertteu)» atty jobany jüzege asyruda atqarylyp jatqan basty ıs-şaralardyŋ bırı bolmaq.
Seminar barysynda mynadai taqyryptar talqylanady:
- Altyn Orda örkenietı ornalasqan tarihi aimaqtardyŋ epigrafikasy: jaŋa oljalar jäne olardyŋ interpretasiiasy;
- Qazaqstannyŋ epigrafikalyq eskertkışterın körşıles memleketterdegı arabjazuly jädıgerlermen salǧastyrmaly-salystyrmaly zertteu;
- Altyn Orda örkenietı tarihi aimaqtarynyŋ damuy jäne mädeni dästürlerdıŋ tūraqty türlerınıŋ qalyptasuy.
Seminar üş tılde: qazaq, orys, aǧylşyn tılderınde jäne oflain / onlain formattarynda jürgızıledı.
Seminar jūmysy barysynda İnstitut qyzmetkerlerı jaryqqa şyǧarǧan «Abat-Baitaq» qorymynyŋ arabjazuly epigrafikalyq eskertkışterı» jäne «Mäşhür Jüsıp Köpeiūly. «Risala-ii janaiiz (Janaza kıtaby)» kıtaptarynyŋ tanystyrylymy ötedı.
Ǧylymi seminarǧa şyǧys epigrafiiasyn zertteuşı jetekşı otandyq maman-ǧalymdar: S.E. Äjıǧali, Ä.Q. Müminov, N.A. Qūlbaev, A.Ş. Nūrmanova, B.D. Düisenov jäne t.b. qatysady.
Şetelden şaqyrylǧan baiandamaşylar, iaǧni epigrafiialyq eskertkışterdı zertteuşı mamandar: Zaisev İ.V. (Mäskeu, Resei), Babadjanov B.M. (Taşkent, Özbekstan), Zakariaev Z.Ş. (Mahachkala, Daǧystan, Resei), Osman Kabadaiy (Kyrşehir, Türkiia), Alidost Ertuǧrul (IRCICA), Gainutdinov A.M. (Qazan, Tatarstan, Resei), Bobrovnikov V.O. (Moskva, Resei), Iаrlykapov A.A. (Moskva, Resei) jäne t.b. qatysady.
Seminar jūmysyn onlain formatta zoom arqyly qatysyp, köruge bolady:
https://us06web.zoom.us/j/82697669822?pwd=PuMJSjziVtvlVOPs8pvBQfUTbR7haw.1
