قازاقستاننىڭ ەكس-پرەزيدەنتى نۇرسۇلتان نازارباەۆتىڭ ۇلكەن جانە ورتانشى قىزدارى داريعا نازارباەۆا مەن دينارا قۇلىباەۆا ەڭ ىقپالدى 25 قازاق ايەلىنىڭ تىزىمىنە ەنگەن جوق. رەيتينگتى 2024 جىلدىڭ قىركۇيەگىندە Forbes Woman Kazakhstan ۇسىنعان، دەپ حابارلايدى “ادىرنا” ۇلتتىق پورتالى.
لونگ-ليستكە 110 ادام كىردى، ونىڭ ىشىندە 42 قاتىسۋشى ىرىكتەلدى. ال قىسقا ءتىزىمدى ساراپشىلار باعالادى. ولاردىڭ باعالاۋى بويىنشا ەلدەگى ەڭ ىقپالدى 25 ايەلدىڭ ءتىزىمى جاسالدى.
«مەنىڭ ويىمشا، رەيتينگتىڭ كوشباسشىسى ءۇمىت شاياحمەتوۆا (حالىق بانكىنىڭ باسشىسى) ەكەنى ەشكىمدى تاڭ قالدىرمايدى»، - دەپ جازادى Forbes Woman Kazakhstan جۋرنالىنىڭ باس ديرەكتورى زۋلفيا حايبۋللينا.
شاياحمەتوۆادان باسقا، رەيتينگتە قارجى سەكتورىنان قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ابىلقاسىموۆا (2-ورىن), «وتباسى بانكى» اق باسشىسى ءلاززات يبراگيموۆا (5-ورىن), KASE باسقارما توراعاسى جانە ديرەكتورلار كەڭەسىنىڭ مۇشەسى الينا الدامبەرگەن (11-ورىن) بار.
رەيتينگكە ىسكەر ايەل دە بار. ماسەلەن، 18-ءشى ورىندى لانكاستەر حولدينگتىڭ تەڭ قۇرىلتايشىسى، ەلىمىزدەگى ەڭ ءىرى قالا – الماتى قالاسىنىڭ اكىمى ەربولات دوساەۆتىڭ جۇبايى گۇلنار دوساەۆا يەلەندى.
ۇزدىك 25-تەن ۇكىمەتتەگى ايەلدەردى دە كورەمىز. 4-ورىندا قازىر مادەنيەت جانە اقپارات مينيسترلىگىن باسقارىپ وتىرعان ايدا بالاەۆانى كورۋگە بولادى.
سونىمەن قاتار، تىزىمدە قازاقستان پرەزيدەنتى قاسىم-جومارت توقاەۆتىڭ اپكەسى قارلىعا ءىزباستينا دا بار. بۇل رەيتينگتە ول 17-ورىندا. جۋرناليستەر ءىزباستينانىڭ اكەسى كەمەل توقاەۆ اتىنداعى قايىرىمدىلىق قورىنىڭ تەڭ قۇرىلتايشىسى ەكەنىن جازادى. ول بۇرىن Meerbusch جانە Kazakhstan Tungsten & Molybdenum كومپانياسى ارقىلى بيزنەس جاساعان.
داريعا نازارباەۆا مەن دينارا قۇلىباەۆا ىقپالدى ايەلدەر رەيتينگىندە جوق. ەكەۋى دە ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ قىزى، ەكەۋى دە قازاقستاننىڭ ەڭ اۋقاتتى ادامدارىنىڭ رەيتينگىنە ەنگەن.
داريعا نازارباەۆا ەڭ باي 75 بيزنەسمەننىڭ ىشىندە 15-ءشى ورىندا، ونىڭ بايلىعى 590 ميلليون دوللارعا باعالانادى. ال دينارا قۇلىباەۆا كۇيەۋى تيمۋر قۇلىباەۆپەن بىرگە بايلار رەيتينگىندە ەكىنشى ورىندى الادى. ولاردىڭ ارقايسىسى 5 ميلليارد دوللاردى قۇرايدى.
