ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى قايرات ۇمبەتوۆ ەربايان مۇحتاردىڭ جاعدايىنا قاتىستى مالىمدەمە جاسادى، دەپ حابارلايدى “ادىرنا” ۇلتتىق پورتالى.
اسكەردە العان جاراقاتىنان 6 اي كومادا جاتقان سارباز ەربايان مۇحتاردىڭ جاعدايى ەلدى الاڭداتتى.
قايرات ۇمبەتوۆ ساربازدىڭ قازىرگى جاعدايى اسكەردە العان جاراقاتىنا بايلانىستى ەمەستىگىن ايتادى.
"ەربايان مۇحتاروۆ ۇلتتىق ۇلاندا قىزمەت ەتۋ كەزىندە تۇنگى ەكىدە ويانىپ، قۇلاپ، جاراقات العان. ونىڭ قازىرگى جاعدايى قۇلاۋدىڭ سالدارى ەمەس. ەمدەلۋ كەزىندە سارباز جۇقپالى اۋرۋعا شالدىققان. وكىنىشكە قاراي، ەمدەلۋ كەزىندە وكپەسى پنەۆمونيامەن، سونداي-اق قوسىمشا ءىرىڭ بولىنۋىمەن گايموريتپەن اۋىرعان. دارىگەرلەر وتا جاساۋدى ۇيعارعان، وتادان كەيىن سارباز وسىنداي كۇيگە ءتۇستى", — دەدى قايرات ۇمبەتوۆ.
ايتا كەتەيىك، ەربايان مۇحتار ۇلتتىق ۇلاننىڭ الماتى قالاسىنداعى 5571 اسكەري بولىمىندە اسكەري بورىشىن وتەپ جۇرگەن كەزىندە مي جاراقاتىن الىپ، سودان كەيىن كوماعا تۇسكەن.
