Ulttyq ulan bas qolbasshysynyń tárbıe jáne áleýmettik-quqyqtyq jumys jónindegi orynbasary Qaırat Úmbetov Erbaıan Muhtardyń jaǵdaıyna qatysty málimdeme jasady, dep habarlaıdy “Adyrna” ulttyq portaly.
Áskerde alǵan jaraqatynan 6 aı komada jatqan sarbaz Erbaıan Muhtardyń jaǵdaıy eldi alańdatty.
Qaırat Úmbetov sarbazdyń qazirgi jaǵdaıy áskerde alǵan jaraqatyna baılanysty emestigin aıtady.
"Erbaıan Muhtarov Ulttyq ulanda qyzmet etý kezinde túngi ekide oıanyp, qulap, jaraqat alǵan. Onyń qazirgi jaǵdaıy qulaýdyń saldary emes. Emdelý kezinde sarbaz juqpaly aýrýǵa shaldyqqan. Ókinishke qaraı, emdelý kezinde ókpesi pnevmonııamen, sondaı-aq qosymsha iriń bólinýimen gaımorıtpen aýyrǵan. Dárigerler ota jasaýdy uıǵarǵan, otadan keıin sarbaz osyndaı kúıge tústi", — dedi Qaırat Úmbetov.
Aıta keteıik, Erbaıan Muhtar Ulttyq ulannyń Almaty qalasyndaǵy 5571 áskerı bóliminde áskerı boryshyn ótep júrgen kezinde mı jaraqatyn alyp, sodan keıin komaǵa túsken.
