جامبىل وبلىسىنىڭ قۇلان اۋىلىندا اسكەري قىزمەتكەر بىرنەشە ايەلدى سوققىعا جىقتى. بۇل تۋرالى Polisia.kz جاريالادى، دەپ حابارلايدى “ادىرنا” ۇلتتىق پورتالى.
پوليتسيا قىزمەتكەرلەرىنىڭ مالىمەتىنشە، 12 جەلتوقساندا ت. رىسقۇلوۆ اۋداندىق پوليتسيا بولىمىنە اسكەري كيىمدەگى بەلگىسىز ەر ادامنىڭ قۇلان اۋىلىنداعى بىرنەشە ۇيگە كىرىپ، تۇرعىندارعا دەنە جاراقاتىن كەلتىرگەنى تۋرالى حابارلاما تۇسكەن.
“انىقتالعانداي، ەر ادام كەشكى ۋاقىتتا الدىمەن ءۇي اۋلاسىندا ورنالاسقان دۇكەنگە كىرىپ، 45 جاستاعى ايەلدىڭ بەتىنە سوققى جاساعان. سودان سوڭ وسى كوشەدە ورنالاسقان تاعى ەكى پاتەرگە بولەك كىرىپ، الدىنان شىققان 45 جانە 43 جاستاعى ايەلدەردى ۇرىپ-سوققان. سوڭعى ايەلدىڭ ۇيىندەگى جولداسى اتالعان ەر ادامدى ۇستاپ، پوليتسيا قىزمەتكەرلەرىن شاقىرتقان. شاقىرتۋ بويىنشا شۇعىل جەتكەن ساقشىلار 22 جاستاعى اسكەري قىزمەتشىنى پوليتسيا بولىمىنە جەتكىزىپ، ءتيىستى جەدەل ءىس-شارالار جۇرگىزدى”، - دەلىنگەن حاارلامادا.
اتالعان دەرەك بويىنشا وڭتۇستىك وڭىرلىك اسكەري تەرگەۋ باسقارماسىنىڭ تاراز قالاسى بويىنشا دەپارتامەنتىمەن قر قك-ءنىڭ 149-بابى 2-بابىمەن سوتقا دەيىنگى تەرگەۋ امالدارى باستالدى.
