بۇل تۋرالى تولىق مالىمەتتى ەڭبەك جانە حالىقتى الەۋمەتتىك قورعاۋ مينيسترلىگى بەردى.
الەۋمەتتىك كودەكستىڭ 197-بابىنا سايكەس، جاسىنا بايلانىستى زەينەتاقى تولەمدەرىنىڭ جانە ەڭبەك سىڭىرگەن جىلدارى ءۇشىن زەينەتاقى تولەمدەرىنىڭ مولشەرىن جىل سايىن ارتتىرۋ رەسپۋبليكالىق بيۋدجەت تۋرالى زاڭدا جىلىنا بەلگىلەنگەن ءتيىستى قارجى مولشەرىندە جۇزەگە اسىرىلادى.
"2025-2027 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسىنا سايكەس، 2025 جىلعى 1 قاڭتاردان باستاپ جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرىن 8,5 پايىزعا ارتتىرۋ جوسپارلانعان; بازالىق زەينەتاقى مولشەرى ەڭ تومەنگى كۇنكورىس دەڭگەيىنىڭ وزگەرۋىنە بايلانىستى ارتاتىن بولادى.
الداعى ءوسىم بارلىق 2,4 ميلليون زەينەتكەرگە قاتىستى بولاتىنى دا حابارلاندى.
"2025-2027 جىلدارعا ارنالعان رەسپۋبليكالىق بيۋدجەت جوباسى شەڭبەرىندە 2025 جىلى زەينەتاقى تولەمدەرىنە 4 231,3 ميلليارد تەڭگە، ونىڭ ىشىندە جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە – 2 867,7 ميلليارد تەڭگە، بازالىق زەينەتاقىعا – 1 363,6 ميلليارد تەڭگە كوزدەلگەن", - دەپ تولىقتىردى مينيسترلىك.
