Bul týraly tolyq málimetti Eńbek jáne halyqty áleýmettik qorǵaý mınıstrligi berdi.
Áleýmettik kodekstiń 197-babyna sáıkes, jasyna baılanysty zeınetaqy tólemderiniń jáne eńbek sińirgen jyldary úshin zeınetaqy tólemderiniń mólsherin jyl saıyn arttyrý respýblıkalyq bıýdjet týraly zańda jylyna belgilengen tıisti qarjy mólsherinde júzege asyrylady.
"2025-2027 jyldarǵa arnalǵan respýblıkalyq bıýdjet týraly" zań jobasyna sáıkes, 2025 jylǵy 1 qańtardan bastap jasyna jáne eńbek sińirgen jyldaryna baılanysty zeınetaqy tólemderin 8,5 paıyzǵa arttyrý josparlanǵan; bazalyq zeınetaqy mólsheri eń tómengi kúnkóris deńgeıiniń ózgerýine baılanysty artatyn bolady.
Aldaǵy ósim barlyq 2,4 mıllıon zeınetkerge qatysty bolatyny da habarlandy.
"2025-2027 jyldarǵa arnalǵan respýblıkalyq bıýdjet jobasy sheńberinde 2025 jyly zeınetaqy tólemderine 4 231,3 mıllıard teńge, onyń ishinde jasyna baılanysty jáne eńbek sińirgen jyldary úshin zeınetaqy tólemderine – 2 867,7 mıllıard teńge, bazalyq zeınetaqyǵa – 1 363,6 mıllıard teńge kózdelgen", - dep tolyqtyrdy mınıstrlik.
