تابىسى، داۋلەتى، بايلىعى بويىنشا قازاقستاندا 12-ورىندا تۇرعان كاسىپكەر نۇرلان سماعۇلوۆ زەينەتاقى قورىنداعى اقشاسىن شەشىپ الىپ، كادەگە جاراتاتىنىن ايتتى.
الايدا ونىڭ زەينەتاقى قورىندا قانشا اقشاسى بار? الماتىدا وتكەن ءباسپاسوز ءماسليحاتىندا نۇرلان سماعۇلوۆ زەينەتاقى قورىنداعى قارجىسىنىڭ قانشا ەكەنىن بىلمەيتىنىن ايتتى.
–جاعدايىم جاقسى. ءۇءيىم بار. ماعان قوسىمشا پاتەردىڭ كەرەگى جوق. بىراق زەينەتاقى قورىمداعى اقشانىڭ كولەمى ءوتە ۇلكەن دەپ شامالايمىن، – دەدى نۇرلان سماعۇلوۆ جۋرناليستەرگە بەرگەن ساۋالىندا.
بىراق قوردان اقشاسىن العىسى كەلىپ وتىرعان كاسىپكەر ونى قايدا جاراتادى؟
قازاقستاندا اتا-اناسىز جەتىم قالعان بالالار بارشىلىق. ايتا كەتۋ كەرەك، سماعۇلوۆ «قازاقستاننىڭ بالالار دەرەۆنياسى» قامقورشىلار كەڭەسىنىڭ مۇشەسى ەكەنى بەلگىلى.
–جالپى قامقورلىقسىز قالعان بالالار مەملەكەتتەن تەزىرەك ءۇي الۋى ءتيىس. الايدا بۇل جەڭىلدىك جۇزەگە اسا بەرمەيدى. جەتىم بالالار ءار جەردە جۇمىس ءىستەيدى، پاتەر جالداپ تۇرۋعا جاعدايى كەلە بەرمەيدى. سوندىقتان ءبىز «قازاقستاننىڭ بالالار دەرەۆنياسىن» قۇردىق. ازىرگە الماتى قالاسىندا وسىنداي ەكى ءۇي بار. ءبىزدىڭ كومپانيا قامقورلىقسىز قالعان بالالارعا كومەكتەسەدى، ولاردى جۇمىسقا ورنالاستىرادى. بىرقاتار بالالار بىزدە جۇمىس ىستەيدى جانە بالالار دەرەۆنياسىندا تۇرىپ, جاڭا ماماندىقتاردى يگەرەدى. ولاردىڭ الاڭسىز ءومىر ءسۇرۋى ءۇشىن مەن زەينەتاقى قورىنداعى اقشامنىڭ ءبىراز بولىگىن «قازاقستاننىڭ بالالار دەرەۆنياسى» قورىنا اۋدارامىن. بالالار ۇيىنەن كەلگەن باسپاناسىز جاسوسپىرىمدەر ءبىزدىڭ پاتەرلەردە تۇراتىن بولادى. مەن سوندىقتان دا زەينەتاقى قورىنداعى قارجىمدى ولار مۇقتاجدىق كورمەس ءۇشىن قورعا اۋدارامىن،-دەدى كاسىپكەر نۇرلان سماعۇلوۆ.
ەسكەرتە كەتەيىك، ەلىمىزدەگى بىرقاتار ساۋدا ءۇيى مەن تانىمال كومپانيانىڭ يەسى نۇرلان سماعۇلوۆتىڭ قازىناعا تولەيتىن سالىعى دا قوماقتى. دەرەككە جۇگىنەر بولساق، 2020 جىلى ونىڭ Astana Motors كومپانياسى بيۋدجەتكە 29,4 ملرد تەنگە سالىق تولەگەن. ال جۇرتشىلىق كوپ باراتىن MەGA ساۋدا ءۇيى بيىل پاندەمياعا بايلانىستى 140 كۇن جابىق بولىپ، 13 ميلليارد تەڭگە شىعىنعا ۇشىرادى.
ەركىن قالدان،
«ادىرنا» ۇلتتىق پورتالى
