12 قىركۇيەكتە قازاقستاننىڭ كوكپارشىلارى فينالدا قىرعىزستان كومانداسىن 5:4 ەسەبىمەن جەڭدى، دەپ حابارلايدى "ادىرنا" ۇلتتىق پورتالى.
وسىلايشا ۇلتتىق قۇراما V دۇنيەجۇزىلىك كوشپەندىلەر ويىندارىنىڭ التىن مەدالىن جەڭىپ الدى.
ءبىرىنشى تايمدا قىرعىزستان كومانداسى 3:1 ەسەبىمەن العا شىققان بولاتىن. ەكىنشى تايمدا قازاقستان كومانداسى ەسەپتى تەڭەستىرىپ، ويىن 4:4 ەسەبىمەن اياقتالدى. قوسىمشا ۋاقىتتىڭ 10 مينۋتىندا قازاقستاندىق كوكپارشى شەشۋشى سالىم سالدى. ناتيجەسىندە ەسەپ 5:4 بولىپ، ەل قۇراماسى جەڭىسكە جەتتى.
كوكپار تۋرنيرىندە توعىز ەلدىڭ كوماندالارى قاتىستى، ال جالپى سپورتشىلار سانى 104 ادام بولادى.
ايتا كەتەيىك، كوكپار ويىنى بارىسىندا قازاقستان مەن قىرعىزستان كومانداسى داۋلاسىپ قالعانىن جازعان ەدىك.
ۇقساس جاڭالىقتار
