وتباسى كۇنىنە وراي استانا قالاسىندا وتكەن رەسپۋبليكالىق «مەرەيلى وتباسى - 2024» ۇلتتىق بايقاۋىنا باتىس قازاقستان وبلىسىنىڭ نامىسىن قورعاپ بارعان حامزيندەر وتباسى ۇلتتىق كونكۋرستىڭ لاۋرەاتى اتانىپ 1 ملن.تگ. جۇلدە قورىنا يە بولدى. سونىمەن قاتار، وبلىستىق بايقاۋ كەزەڭىنىڭ جەڭىمپازى اتانىپ 1 ملن.تگ. سەرتيفيكاتىنا يە بولدى.
حامزيندەر وتباسى ۇلتتىق قۇندىلىق پەن بىرلىكتى دارىپتەيتىن ۇلگىلى وتباسى.
بيىل باتىس قازاقستان وبلىسىندا كونكۋرسقا 200 استام وتباسى ءوتىنىش بىلدىرسە، وڭىرلەر بويىنشا 3000 استام وتباسى قاتىسقان.
وتباسى كۇنى مەرەكەسىنىڭ باستى ءمانى - ۇلتتىق ءداستۇرلى قۇندىلىقتاردى ەسكە ءتۇسىرۋ، ءبىر-بىرىمىزگە قامقورلىق جاساۋ جانە وتباسىندا جىلۋلىق پەن سۇيىسپەنشىلىكتى ساقتاۋ.
وتباسىنىڭ بەرەكە-بىرلىگى مەن ءداستۇرلى قۇندىلىقتارىن نىعايتۋ – مەملەكەت باسشىسى بەلگىلەگەن مەملەكەتتىك ساياساتتىڭ باسىم باعىتتارىنىڭ ءبىرى. پرەزيدەنتتىڭ ۇلتتىق قۇرىلتايدا بەرگەن تاپسىرماسىنا سايكەس، وتباسى ينستيتۋتىن نىعايتۋ، ۇرپاقتار ساباقتاستىعىن ساقتاۋ باعىتىندا بەلسەندى جۇمىس جۇرگىزىلىپ جاتىر.
