Otbasy kúnine oraı Astana qalasynda ótken respýblıkalyq «Mereıli otbasy - 2024» ulttyq baıqaýyna Batys Qazaqstan oblysynyń namysyn qorǵap barǵan Hamzınder otbasy ulttyq konkýrstyń laýreaty atanyp 1 mln.tg. júlde qoryna ıe boldy. Sonymen qatar, oblystyq baıqaý kezeńiniń jeńimpazy atanyp 1 mln.tg. sertıfıkatyna ıe boldy.
Hamzınder otbasy ulttyq qundylyq pen birlikti dáripteıtin úlgili otbasy.
Bıyl Batys Qazaqstan oblysynda konkýrsqa 200 astam otbasy ótinish bildirse, óńirler boıynsha 3000 astam otbasy qatysqan.
Otbasy kúni merekesiniń basty máni - ulttyq dástúrli qundylyqtardy eske túsirý, bir-birimizge qamqorlyq jasaý jáne otbasynda jylýlyq pen súıispenshilikti saqtaý.
Otbasynyń bereke-birligi men dástúrli qundylyqtaryn nyǵaıtý – Memleket basshysy belgilegen memlekettik saıasattyń basym baǵyttarynyń biri. Prezıdenttiń Ulttyq quryltaıda bergen tapsyrmasyna sáıkes, otbasy ınstıtýtyn nyǵaıtý, urpaqtar sabaqtastyǵyn saqtaý baǵytynda belsendi jumys júrgizilip jatyr.
