استانادان جەزقازعانعا بارا جاتقان پويىزدا ءسابي دۇنيەگە كەلدى

2094
Adyrna.kz Telegram
فوتو: omsk.aif.ru
فوتو: omsk.aif.ru

5 جەلتوقساندا «استانا-جەزقازعان» باعىتىنداعى №66 جولاۋشىلار پويىزىنىڭ بريگادا قىزمەتكەرلەرى جۇكتى كەلىنشەكتى پويىزدا بوساندىرىپ الدى. بۇل تۋرالى «قازاقستان تەمىر جولى» اق ءباسپاسوز قىزمەتىنەن مالىمدەدى، دەپ حابارلايدى “ادىرنا” ۇلتتىق پورتالى.

5 جەلتوقسان ساعات 11:17-دە «استانا-جەزقازعان» باعىتىنداعى №66 جولاۋشىلار پويىزىنىڭ بريگادا قىزمەتكەرلەرى ءسابيدىڭ دۇنيەگە كەلۋىنە كومەكتەسكەن.

جۇبايىمەن بىرگە قاراعاندىدان جەزقازعانعا بارا جاتقان جۇكتى جولاۋشىنىڭ تولعاعى باستالدى.

ۆاگوندا بوسانعان ايەلگە كومەك كورسەتۋ ءۇشىن بارلىق قاجەتتى جاعداي جاسالعان. پويىز باستىعى نۇسقاۋلىققا سايكەس پويىز جۇرگىزۋشىسىنە حابارلاپ، جاقىن ماڭداعى ستانتسياعا جەدەل جاردەم شاقىردى.

«جەزقازعان ستانتسياسىنا كەلگەن سوڭ جولسەرىكتەر اناسىن قىزىمەن بىرگە جەدەل جاردەم قىزمەتكەرلەرىنە تاپسىردى. جاس اتا-انا جاڭا تۋعان نارەستەنىڭ ەسىمىن اراي دەپ قويدى»، - دەلىنگەن كومپانيا حابارلاماسىندا.

پىكىرلەر