جامبىل وبلىسىنىڭ شارۋالارى وبلىستىق «اۋىلشارۋاشىلىعىن قارجىلاي قولداۋ قورى» اق-نىڭ «ەگىنجاي» باعدارلاماسى بويىنشا جۇمىس جاساپ جاتىر, دەپ حابارلايدى adyrna.kz ۇلتتىق پورتالى ءتىلشىسى.
جامبىل وبلىسى اۋىل شارۋاشىلىعىنا قولايلى وبلىس بولعاندىقتان وڭىردە مال جانە ەگىن شارۋاشلىعى جوعارى دەڭگەيدە دامىعان. ماسەلەن بيىل «اۋىلشارۋاشىلىعىن قارجىلاي قولداۋ قورى» اق 2 شارۋاشىلىققا 10,0 ملن تەڭگە كولەمىندە نەسيە بەرگەن. قازىرگى تاڭدا «ەگىنجاي» باعدارلاماسىنىڭ ارقاسىندا قوس شارۋا ءوز ءونىمىن ءوندىرىپ، بىرنەشە ازاماتتى جۇمىسپەن قامتىپ وتىر. سونداي-اق كوكتەمگى جانە كۇزگى دالا جۇمىستارىن قارجىلاندىرۋ ماقساتىندا، جامبىل وبلىستىق «اگرارلىق كرەديتتىك كورپوراتسياسى» اق-ى ارقىلى «كەڭ دالا» باعدارلاماسى بويىنشا، 43 اۋىل شارۋاشىلىعى قۇرىلىمدارىنان 363,1 ملن. تەڭگەگە ءوتىنىم ءتۇسىپ، تاراتىلدى.
اۋىل شارۋاشىلىعى باسقارما باسشىسىنىڭ ورىنباسارى ەرلان قۇلەكەەۆتىڭ ايتۋىنشا، 2019 جىلدىڭ ءونىمى ءۇشىن اۋىل شارۋاشىلىعى داقىلدارىنىڭ ەگىستىك كولەمى بارلىعى 687,1 مىڭ گەكتارعا ورنالاستىرىلعان. ونىڭ ىشىندە ءداندى جانە ءداندى بۇرشاقتى داقىلدار 352,4 مىڭ گەكتار، مايلى داقىلدار 60,9 مىڭ گەكتار، قانت قىزىلشاسى 5,6 مىڭ گەكتار، كارتوپ 10,1 مىڭ گەكتار، كوكونىس-باقشا داقىلدارى 66,3 مىڭ گەكتار، مال ازىعى داقىلدارى 207,3 مىڭ گەكتار.
– بۇل كورسەتكىش 2018 جىلمەن سالىستىرعاندا 18,6 مىڭ گەكتارعا ارتتى. 19 تامىزعا ءداندى ماساقتى داقىلدارى 331,3 مىڭ گەكتاردان ورىلىپ، بارلىعى 752,2 مىڭ توننا ءدان باستىرىلدى، ورتاشا ونىمدىلىگى گەكتاردان 22,7 تسەنتنەردى قۇراپ وتىر، ەگىن وراعى جالعاسۋدا. سونىمەن قاتار، 1,6 ملن. تونناعا استام پىشەن، 46,0 مىڭ توننا پىشەندەمە، 3,9 مىڭ توننا سۇرلەم جانە 105,9 مىڭ توننا سابان دايىندالدى، مال ازىعىن دايىنداۋ جۇمىستارى جالعاسۋدا. ەگىس القاپتارىن ارزانداتىلعان مينەرالدى تىڭايتقىشتارمەن قامتاماسىز ەتۋ ماقساتىندا جەرگىلىكتى بيۋدجەتتەن 1,0 ملرد. تەڭگە ءبولىندى. جوسپار بويىنشا 22,4 مىڭ توننا مينەرالدى تىڭايتقىشتاردى اۋىل شارۋاشىلىعى القاپتارىنا پايدالانىپ، جالپى ەگىستىك القاپتىڭ 22,0% قامتۋ جوسپارلانعان. 2019 جىلدىڭ 19 تامىزىنا اۋىل شارۋاشىلىعى قۇرىلىمدارى تاراپىنان 16,6 مىڭ تونناسى الىنىپ، اۋىل شارۋاشىلىعى داقىلدارىنا ەندىرۋدە جۇمىستار جالعاسۋدا، – دەيدى ول.
قر ۇكىمەتى تاراپىنان جامبىل وبلىسىنىڭ ديحاندارىنا كۇزگى جيناۋ جانە ەگىس دالا جۇمىستارىن جۇرگىزۋ ءۇشىن 16200 توننا كەپىلدەندىرىلگەن ديزەل وتىنى بولىنگەن. ونىڭ شىلدە ايىنا 5800 توننا، تامىز ايىنا 3300 توننا، قىركۇيەك ايىنا 3700 توننا جانە قازان ايىنا 3400 توننا.
"ادىرنا" ۇلتتىق پورتالى
