Jambyl oblysynyń sharýalary oblystyq «Aýylsharýashylyǵyn qarjylaı qoldaý qory» AQ-nyń «Eginjaı» baǵdarlamasy boıynsha jumys jasap jatyr, dep habarlaıdy adyrna.kz ulttyq portaly tilshisi.
Jambyl oblysy aýyl sharýashylyǵyna qolaıly oblys bolǵandyqtan óńirde mal jáne egin sharýashlyǵy joǵary deńgeıde damyǵan. Máselen bıyl «Aýylsharýashylyǵyn qarjylaı qoldaý qory» AQ 2 sharýashylyqqa 10,0 mln teńge kóleminde nesıe bergen. Qazirgi tańda «Eginjaı» baǵdarlamasynyń arqasynda qos sharýa óz ónimin óndirip, birneshe azamatty jumyspen qamtyp otyr. Sondaı-aq kóktemgi jáne kúzgi dala jumystaryn qarjylandyrý maqsatynda, Jambyl oblystyq «Agrarlyq Kredıttik Korporaııasy» AQ-y arqyly «Keń dala» baǵdarlamasy boıynsha, 43 aýyl sharýashylyǵy qurylymdarynan 363,1 mln. teńgege ótinim túsip, taratyldy.
Aýyl sharýashylyǵy basqarma basshysynyń orynbasary Erlan Qulekeevtiń aıtýynsha, 2019 jyldyń ónimi úshin aýyl sharýashylyǵy daqyldarynyń egistik kólemi barlyǵy 687,1 myń gektarǵa ornalastyrylǵan. Onyń ishinde dándi jáne dándi burshaqty daqyldar 352,4 myń gektar, maıly daqyldar 60,9 myń gektar, qant qyzylshasy 5,6 myń gektar, kartop 10,1 myń gektar, kókónis-baqsha daqyldary 66,3 myń gektar, mal azyǵy daqyldary 207,3 myń gektar.
– Bul kórsetkish 2018 jylmen salystyrǵanda 18,6 myń gektarǵa artty. 19 tamyzǵa dándi masaqty daqyldary 331,3 myń gektardan orylyp, barlyǵy 752,2 myń tonna dán bastyryldy, ortasha ónimdiligi gektardan 22,7 entnerdi qurap otyr, egin oraǵy jalǵasýda. Sonymen qatar, 1,6 mln. tonnaǵa astam pishen, 46,0 myń tonna pishendeme, 3,9 myń tonna súrlem jáne 105,9 myń tonna saban daıyndaldy, mal azyǵyn daıyndaý jumystary jalǵasýda. Egis alqaptaryn arzandatylǵan mıneraldy tyńaıtqyshtarmen qamtamasyz etý maqsatynda jergilikti bıýdjetten 1,0 mlrd. teńge bólindi. Jospar boıynsha 22,4 myń tonna mıneraldy tyńaıtqyshtardy aýyl sharýashylyǵy alqaptaryna paıdalanyp, jalpy egistik alqaptyń 22,0% qamtý josparlanǵan. 2019 jyldyń 19 tamyzyna aýyl sharýashylyǵy qurylymdary tarapynan 16,6 myń tonnasy alynyp, aýyl sharýashylyǵy daqyldaryna endirýde jumystar jalǵasýda, – deıdi ol.
QR Úkimeti tarapynan Jambyl oblysynyń dıhandaryna kúzgi jınaý jáne egis dala jumystaryn júrgizý úshin 16200 tonna kepildendirilgen dızel otyny bólingen. Onyń shilde aıyna 5800 tonna, tamyz aıyna 3300 tonna, qyrkúıek aıyna 3700 tonna jáne qazan aıyna 3400 tonna.
"Adyrna" ulttyq portaly
