اسكەردە قۇلاپ، كوماعا تۇسكەن سارباز ەربايان مۇحتار شەتەلدەگى ەمحانادا ەم قابىلداۋى مۇمكىن. بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا پىكىر ءبىلدىردى، دەپ حابارلايدى “ادىرنا” ۇلتتىق پورتالى.
اقمارال ءالنازاروۆا ەربايان مۇحتاردىڭ دەنساۋلىعى تۇراقتى باقىلاۋدا ەكەنىن اتاپ ءوتتى.
”سارباز ميىنان اۋىر جاراقات الدى. ناۋقاسقا وپەراتسيا جاسالدى. سودان كەيىن ناۋقاس نەيروحيرۋرگيا ورتالىعىندا 26 كۇن وڭالتۋدان ءوتتى. ءتيىستى ۇسىنىستار نەگىزىندە ناۋقاس ۇيگە شىعارىلدى. قازىر ناۋقاسقا ەمحانا مەن دەنساۋلىق ساقتاۋ باسقارماسىنىڭ مەديتسينالىق قىزمەتكەرلەرى باقىلاۋىمەن جەرگىلىكتى دەڭگەيدە مەديتسينالىق كومەك كورسەتىلىپ جاتىر”، - دەدى مينيستر ۇكىمەت وتىرىسىنان كەيىن.
ۆەدومستۆو باسشىسى ساربازدىڭ اناسىمەن سويلەسكەنىن، قولداۋعا كورسەتۋگە دايىن ەكەنىن جەتكىزدى.
ء”بىز ناۋقاستىڭ اناسىمەن بايلانىستىق. وڭالتۋعا جولداما دايىندالدى. الايدا شەتەلدەگى ەمحانالار (ناۋقاستى قابىلدايتىنىن-قابىلدامايتىنىن) راستامادى. اتا-اناسى ىزدەپ جاتىر. ءبىز ءوز تاراپىمىزدان وڭالتۋدى جالعاستىرۋعا دايىنبىز. كەشە عانا كونسيليۋم وتكىزىلدى. قورعانىس مينيسترلىگىنىڭ كۇشىمەن ەمدىك ماسساج جاسايتىن مامان، مەدبيكە جۇمىس ىستەپ جاتىر. اتا-اناسى كەلىسىم بەرسە، مينيسترلىك ستاتسيونار جاعدايىندا وڭالتۋدىڭ ەكىنشى كەزەڭىن باستاۋعا باستاۋعا”، - دەدى اقمارال ءالنازاروۆا.
ايتا كەتەيىك، سارباز ەربايان مۇحتار الماتىدا ورنالاسقان ۇلتتىق ۇلاننىڭ №5571 بولىمىندە قۇلاپ، كوماعا تۇسكەن ەدى. ناۋقاس 4 ايعا جۋىق ۋاقىت ويانباستان جاتقان. بيىل مامىردا ول ەسىن جيعان.
