اقتاۋدا اسكەردەن قاشىپ، جوعالىپ كەتكەن سارباز 28 جىل وتكەن سوڭ تابىلدى، - دەپ حابارلايدى "ادىرنا" ۇلتتىق پورتالى Lada.kz-كە سىلتەپ.
1996 جىلدىڭ كۇزىندە اسكەرگە كەتىپ، قايتا ورالماعان اتىراۋ وبلىسىنىڭ تۇرعىنى بەيبىت قوزىباەۆ 28 جىلدان كەيىن امان-ەسەن تابىلعان.
جاقىن ارالىقتا بەيبىتتىڭ اناسى مارجان قوزىباەۆا تۋعان ۇلىمەن قاۋىشتى.
"مارجان اپايدىڭ بۇل كۇنگە دە جەتىپ، تۋعان ۇلىن قۇشاقتاپ، ساعىنىشىن باسقانىن كوزىمىز كوردى. اۋداندىق اسكەري كوميسسارياتىنا كەلىپ، بالاسىن سۇراپ ەگىلگەن انانىڭ تالاي قينالعاننان ەسىنەن تانىپ قالعانىن دا كورگەنبىز. سول كەزدەرى ونى نە دەپ جۇباتارىمىزدى بىلمەي، ءبىز دە قينالىپ قالۋشى ەدىك. بۇگىن مىنە، 28 جىلدان كەيىن باۋىر ەتى بالاسىمەن قاۋىشقان انا ءۇشىن ءبىزدىڭ دە كوڭىلىمىز جاي تاپقانداي بولدى", - دەيدى قىزىلقوعا اۋداندىق ءماسليحاتىنىڭ دەپۋتاتى، قورعانىس سالاسىنىڭ ارداگەرى ەسەنباي نۇروۆ.
قوزىباەۆ بەيبىت التايۇلى - اتىراۋ وبلىسى جاسقايرات اۋىلىنىڭ تۋماسى. ول 1997 جىلى 9 قىركۇيەكتە جوعالعان، وسى ۋاقىتقا دەيىن ونىڭ ورنالاسقان جەرىن انىقتاۋ مۇمكىن بولمادى.
بۇل جاعدايعا قاتىستى اقتاۋ گارنيزونىنىڭ اسكەري پروكۋراتۋراسى تۇسىنىكتەمە بەردى.
"وسى قىلمىستىق ءىس شەڭبەرىندە قر قىلمىستىق-پروتسەستىك كودەكسى تالاپتارىنا سايكەس پروتسەستىك شەشىم قابىلدانادى. ناتيجەسى كەيىنىرەك حابارلانادى. قىلمىستىق-پروتسەستىك كودەكسىنىڭ 201-بابىنا سايكەس سوتالدى تەرگەپ-تەكسەرۋ دەرەكتەرى جاريا ەتىلمەيدى", - دەدى ۆەدومستۆو وكىلدەرى.
پوسموترەت ەتۋ پۋبليكاتسيۋ ۆ Instagram
