قازاقستاندىق سپورتشىلار 5-ءشى دۇنيەجۇزىلىك كوشپەندىلەر ويىندارىندا توپ جاردى. بۇگىن، 9 قىركۇيەكتە ەل قورجىنىنا 3 مەدال ءتۇستى، دەپ حابارلايدى «ادىرنا» ءتىلشىسى.
اتاپ ايتساق، اۋدارىسپاقتان 60 كەلى سالماقتا سىنعا تۇسكەن قازاقستان ۇلتتىق قۇراماسىنىڭ سپورتشىسى ەرمەك قۇرالباي التىن مەدالعا يە بولدى. ول فينالدا قىرعىزستان سپورتشىسىن جەڭدى.
ال ءداستۇرلى ساداق اتۋدان «پۋتا» نىساناسى بويىنشا ونەر كورسەتكەن قاسىمحان قانات پەن ايكوركەم باتيحان قولا مەدالعا يە بولدى. «ارعىماق» ات-سپورت كەشەنىندە ءوتىپ جاتقان باسەكەگە 33 مەملەكەتتەن 180 سپورتشى قاتىسىپ جاتىر.
