Qazaqstandyq sportshylar 5-shi Dúnıejúzilik kóshpendiler oıyndarynda top jardy. Búgin, 9 qyrkúıekte el qorjynyna 3 medal tústi, dep habarlaıdy «Adyrna» tilshisi.
Atap aıtsaq, aýdaryspaqtan 60 keli salmaqta synǵa túsken Qazaqstan ulttyq quramasynyń sportshysy Ermek Quralbaı altyn medalǵa ıe boldy. Ol fınalda Qyrǵyzstan sportshysyn jeńdi.
Al dástúrli sadaq atýdan «Pýta» nysanasy boıynsha óner kórsetken Qasymhan Qanat pen Aıkórkem Batıhan qola medalǵa ıe boldy. «Arǵymaq» at-sport kesheninde ótip jatqan básekege 33 memleketten 180 sportshy qatysyp jatyr.
