6 قىركۇيەك كۇنى الماتى قالاسىندا وتكەن قازاقستان-نورۆەگيا ماتچىنا بيلەتى بار ءبىر توپ جانكۇيەرلەر كىرە الماي، داۋ شىعاردى، دەپ حابارلايدى “ادىرنا” ۇلتتىق پورتالى.
ويىننىڭ ءبىرىنشى تايمىن سىرتتان تاماشالاعان ءبىر توپ بيلەتى بار جۇرت، ۇيىمداستىرۋشىلاردىڭ دايىندىعىن سوكتى:
“مىنە، وسىنداي باسسىزدىق ورىن الۋدا. بيلەتتى جۇرت قاتارلى سايتتان ساتىپ الدىق. ويىنعا ەرتە كەلدىك. بالا-شاعاممەن ءجۇرمىن. مىنا ادامنىڭ ءبارىن نەگە كىرگىزبەي، ۇستاپ تۇرعاندارىن تۇسىنە المادىم. ۇيات!”، – دەيدى جانكۇيەرلەردىڭ ءبىرى.
جەلى جۇرتشىلىعى دا جاعدايعا پىكىر قالدىرىپ، ويىن كەزىندە ءتىپتى ءبىر ورىندىقتا ەكى ادام وتىرعان جايتتار بولعانىن جەتكىزدى.
ء“شاي الۋعا شىعىپ كەتكەنبىز، كەلسەك ءبىزدى كىرگىزبەي قويدى. كەيىن ءبىر ورىنعا ەكى ادام وتىردىق”، “بيلەتتەر ءبىرىنشى كۇنى-اق ءبىتىپ كەتكەن. الىپساتارلاردىڭ ءىسى”، “بيلەتى بارلاردىڭ كوبى كىرە المادى”، دەدى ولار.
بلوگەر ارتۋر اسقارۇلى دا ويىنعا فەدەراتسيانىڭ دايىن ەمەس ەكەنىن ايتىپ، جانكۇيەرلەردىڭ جان ايقايىنا جانى اشىعانىن جەتكىزدى:
“قازاقستان ماسشتابتى ويىندارعا دايىن ەمەس. ۇيات! قانشاما ادام ستاديون سىرتىندا تۇر. دايىندىق جوق! استانا-چەلسي ماتچىنىڭ قالاي وتەتىنىن ەلەستەتۋ دە قيىن” دەپ سىنادى ول.
ەسكە سالساق، 6 قىركۇيەك كۇنى الماتىدا قازاقستان مەن نورۆەگيا اراسىندا فۋتبولدان ۇلتتىق ليگا ويىنى ءوتتى. ويىن ەكى 00:00 ەسەبىمەن اياقتالدى.
