6 qyrkúıek kúni Almaty qalasynda ótken Qazaqstan-Norvegııa matchyna bıleti bar bir top jankúıerler kire almaı, daý shyǵardy, dep habarlaıdy “Adyrna” ulttyq portaly.
Oıynnyń birinshi taımyn syrttan tamashalaǵan bir top bıleti bar jurt, uıymdastyrýshylardyń daıyndyǵyn sókti:
“Mine, osyndaı bassyzdyq oryn alýda. Bıletti jurt qatarly saıttan satyp aldyq. Oıynǵa erte keldik. Bala-shaǵammen júrmin. Myna adamnyń bárin nege kirgizbeı, ustap turǵandaryn túsine almadym. Uıat!”, – deıdi jankúıerlerdiń biri.
Jeli jurtshylyǵy da jaǵdaıǵa pikir qaldyryp, oıyn kezinde tipti bir oryndyqta eki adam otyrǵan jaıttar bolǵanyn jetkizdi.
“Sháı alýǵa shyǵyp ketkenbiz, kelsek bizdi kirgizbeı qoıdy. Keıin bir orynǵa eki adam otyrdyq”, “Bıletter birinshi kúni-aq bitip ketken. Alypsatarlardyń isi”, “Bıleti barlardyń kóbi kire almady”, dedi olar.
Bloger Artýr Asqaruly da oıynǵa federaııanyń daıyn emes ekenin aıtyp, jankúıerlerdiń jan aıqaıyna jany ashyǵanyn jetkizdi:
“Qazaqstan masshtabty oıyndarǵa daıyn emes. Uıat! Qanshama adam stadıon syrtynda tur. Daıyndyq joq! Astana-Chelsı matchynyń qalaı ótetinin elestetý de qıyn” dep synady ol.
Eske salsaq, 6 qyrkúıek kúni Almatyda Qazaqstan men Norvegııa arasynda fýtboldan Ulttyq lıga oıyny ótti. Oıyn eki 00:00 esebimen aıaqtaldy.
