ارىپتەس ايەلگە ۇياتسىز حاتتار جازدى دەلىنگەن «اق جول» پارتياسىنىڭ ەكس-دەپۋتاتى اسقار سادىقوۆتىڭ قىزى، بەلگىلى ءانشى دانەليا (Dequine) اكەسىنىڭ ارەكەتىنە قاتىستى پىكىر ءبىلدىردى. بۇل تۋرالى ول ءوزىنىڭ Instagram پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
«سوڭعى كۇندەرى كوپ جاڭالىق بولىپ، وقيعالاردىڭ قالاي وربىگەنىن وزدەرىڭىز كورىپ جۇرسىزدەر. مەنىڭ اكەم اسقار سادىقوۆ جۇمىس ورنىنداعى حاراسسمەنتىنە بايلانىستى قاتتى ايىپتالدى. مەن دە بولىپ جاتقان وقيعالارعا قاتتى تاڭ قالدىم. شىنىمدى ايتسام، مەن نە ايتارىمدى بىلمەيمىن. نە ىستەۋ كەرەگىن، كىمگە سەنۋ كەرەگىن جانە مۇنداي جاعدايدا قالاي ارەكەت ەتۋ كەرەگىن بىلمەيمىن»، - دەيدى ءانشى.
ول مۇنداي جاڭالىققا ءومىر ونى دايىنداماعانىن ايتتى.
«حاراسسمەنتتى باسىنان وتكەرگەن ادام ءۇشىن قازىرگى وقيعا - ۇلكەن سترەسس. بۇل جاعداي مەنىڭ ومىرىمدەگى ەكى نەگىزگى قۇندىلىققا اسەر ەتتى: مەنىڭ وتباسىم جانە ايەلدەردىڭ قۇقىقتارى. مەن بىرنەشە جىل بۇرىن زورلىق-زومبىلىققا جانە زورلىق-زومبىلىقتىڭ بارلىق تۇرلەرىنە قارسى شىققانىمدى جانە قازىر دە سول ۇستانىمىما ادال ەكەنىمدى تۇسىندىرگىم كەلەدى. مەن زورلىق-زومبىلىقتىڭ كەز كەلگەن كورىنىسىن ايىپتايمىن. وسى قيىن كەزەڭدە مەنى قولدايتىن جانە جاناشىر ادامدارعا راقمەت»، - دەيدى دانەليا.
