Áriptes áıelge uıatsyz hattar jazdy delingen «Aq jol» partııasynyń eks-depýtaty Asqar Sadyqovtyń qyzy, belgili ánshi Danelıa (Dequine) ákesiniń áreketine qatysty pikir bildirdi. Bul týraly ol óziniń Instagram paraqshasynda jarııalady, dep habarlaıdy “Adyrna” ulttyq portaly.
«Sońǵy kúnderi kóp jańalyq bolyp, oqıǵalardyń qalaı órbigenin ózderińiz kórip júrsizder. Meniń ákem Asqar Sadyqov jumys ornyndaǵy harassmentine baılanysty qatty aıyptaldy. Men de bolyp jatqan oqıǵalarǵa qatty tań qaldym. Shynymdy aıtsam, men ne aıtarymdy bilmeımin. Ne isteý keregin, kimge sený keregin jáne mundaı jaǵdaıda qalaı áreket etý keregin bilmeımin», - deıdi ánshi.
Ol mundaı jańalyqqa ómir ony daıyndamaǵanyn aıtty.
«Harassmentti basynan ótkergen adam úshin qazirgi oqıǵa - úlken stress. Bul jaǵdaı meniń ómirimdegi eki negizgi qundylyqqa áser etti: meniń otbasym jáne áıelderdiń quqyqtary. Men birneshe jyl buryn zorlyq-zombylyqqa jáne zorlyq-zombylyqtyń barlyq túrlerine qarsy shyqqanymdy jáne qazir de sol ustanymyma adal ekenimdi túsindirgim keledi. Men zorlyq-zombylyqtyń kez kelgen kórinisin aıyptaımyn. Osy qıyn kezeńde meni qoldaıtyn jáne janashyr adamdarǵa raqmet», - deıdi Danelıa.
