بيىل ناۋرىز ايىنىڭ سوڭىندا جاس سۋرەتشىلەردىڭ «ۇلى دالا ۇرپاعى» رەسپۋبليكالىق بايقاۋى تۇركىستاندا ۇيىمداستىرىلعان بولاتىن. «اتادان –مۇرا» قوعامدىق قورىنىڭ باستاماسىمەن وتكەن اتالمىش سايىستا بۇلدىرشىندەردىڭ، مەكتەپ وقۋشىلارى مەن جاسوسپىرىمدەردىڭ شەبەرلىكتەرى شىڭدالدى.
بايقاۋ بارىسىندا سايرام اۋدانىنداعى م.ورازاليەۆ اتىنداعى №41 مەكتەبىنىڭ 9-سىنىپ وقۋشىسى كاۋسار نۇرلانقىزى «بەينەلەۋ ونەرى» نوميناتسياسىمەن ماراپاتتالىپ، استانادا وتكەن «اتادان – مۇرا» قورىنىڭ رەسپۋبليكالىق بايقاۋلارىنىڭ سۋپەرفينالىنا، ودان كەيىن تۇركيا ەلىندەگى حالىقارالىق بايقاۋعا جولدامانى جەڭىپ العان ەدى.
مىنە، ارادا ءبىر اي وتكەندە كاۋسار نۇرلانقىزىنىڭ جارىس جولى تۇركيا مەملەكەتىنىڭ ىستامبۇل قالاسىندا جالعاستى. الەمنىڭ كۇللى ەلدەرىنەن قاتىسقان قىلقالام شەبەرلەرى سايىسىندا ونىڭ سالعان سۋرەتى ۇزدىك سانالدى. ناتيجەسىندە «دارىندى جۇلدىزدار» بالالار مەن جاسوسپىرىمدەر ورتالىعىنىڭ ۇيىمداستىرۋىمەن وتكەن «Ipek yolu» حالىقارالىق بالالار فەستيۆالىندە باس جۇلدەنى جەڭىپ الدى.
