Bıyl naýryz aıynyń sońynda jas sýretshilerdiń «Uly dala urpaǵy» respýblıkalyq baıqaýy Túrkistanda uıymdastyrylǵan bolatyn. «Atadan –mura» qoǵamdyq qorynyń bastamasymen ótken atalmysh saıysta búldirshinderdiń, mektep oqýshylary men jasóspirimderdiń sheberlikteri shyńdaldy.
Baıqaý barysynda Saıram aýdanyndaǵy M.Orazalıev atyndaǵy №41 mektebiniń 9-synyp oqýshysy Káýsar Nurlanqyzy «Beıneleý óneri» nomınaııasymen marapattalyp, Astanada ótken «Atadan – mura» qorynyń respýblıkalyq baıqaýlarynyń sýperfınalyna, odan keıin Túrkııa elindegi halyqaralyq baıqaýǵa joldamany jeńip alǵan edi.
Mine, arada bir aı ótkende Kaýsar Nurlanqyzynyń jarys joly Túrkııa memleketiniń Ystambul qalasynda jalǵasty. Álemniń kúlli elderinen qatysqan qylqalam sheberleri saıysynda onyń salǵan sýreti úzdik sanaldy. Nátıjesinde «Daryndy juldyzdar» balalar men jasóspirimder ortalyǵynyń uıymdastyrýymen ótken «Ipek yolu» halyqaralyq balalar festıvalinde bas júldeni jeńip aldy.
