بيىل تۇركىستان وبلىسىندا جۇمىسپەن قامتۋ شارالارى قارقىندى جۇرگىزىلۋدە. وعان قوسا، 2024 جىلى 140,2 مىڭ تۇرعىندى جۇمىسپەن قامتۋ شارالارىن ىسكە اسىرۋ قولعا الىنۋدا. وبلىس اكىمى دارحان ساتىبالدىمەن بەكىتىلگەن «وڭىرلىك جۇمىسپەن قامتۋ كارتاسى» اياسىندا 118,9 مىڭ جۇمىس ورنىن اشۋ كوزدەلۋدە. ال، وڭىرلىك كارتا اياسىندا 74,1 مىڭ ادامعا تۇراقتى جۇمىسقا ورنالاسۋ مۇمكىندىگى بەرىلەدى.
بۇگىندە وڭىرلىك كارتا بويىنشا 45 197 جۇمىس ورىندارى اشىلىپ، ونىڭ ىشىندە 15 289 ورىن تۇراقتى. بۇل رەتتە، مەملەكەت باسشىسىنىڭ تاپسىرماسى نەگىزىندە 10 مىڭ تۇرعىنعا 100 جۇمىس ورنى باعدارلاماسى ارقىلى 4 345 تۇراقتى جۇمىس ورنى اشىلدى. سونىمەن قاتار، ۇلتتىق جوبالار بويىنشا 3671 جۇمىس ورىندارىن اشۋ جوسپارلانىپ، ناقتى 87 جوبا ارقىلى 610 جۇمىس ورنى اشىلدى.
جالپى وبلىس كولەمىندە 43,3 مىڭ ادامدى بوس جانە جاڭا جۇمىس ورىندارىنا جولداۋ جوسپارلانىپ، بۇگىندە 10 مىڭنان استام ادام جۇمىسقا ورنالاستى. ال، 43,2 مىڭ ادامدى ۋاقىتشا جۇمىس ورىندارىنا جولداۋ كوزدەلىپ، ناقتى 20,5 مىڭ ادام سۋبسيديالانعان ۋاقىتشا جۇمىس ورىندارىنا ورنالاستى.
ايتا كەتەيىك، تۇركىستان وبلىسىندا كاسىپكەرلىككە بىرقاتار قولداۋلار كورسەتىلىپ كەلەدى. وعان دالەل 2024 جىلى 7,2 مىڭ ادامعا كاسىپكەرلىك باستامالارىنا گرانت جانە شاعىن نەسيە بەرۋ جۇمىستارى قاراستىرىلۋدا. ونىڭ ىشىندە الەۋمەتتىك وسال توپتاعى ازاماتتار اراسىنان 1 793 ادامعا بيزنەس-يدەياسىن دامىتۋعا گرانتتار بەرۋ، «اۋىل اماناتى» جوباسى بويىنشا 4 803 جاڭا جۇمىس ورىندارىن اشۋ، 621 جاس كاسىپكەرلەرگە 2,5 پايىزبەن 5 ملن. تەڭگە جەڭىلدەتىلگەن شاعىن نەسيە بەرۋ كوزدەلۋدە. بۇل باعىتتا جۇمىستار جالعاسۋدا.
تۇركىستان وبلىسى اكىمىنىڭ ءباسپاسوز قىزمەتى
