Bıyl Túrkistan oblysynda jumyspen qamtý sharalary qarqyndy júrgizilýde. Oǵan qosa, 2024 jyly 140,2 myń turǵyndy jumyspen qamtý sharalaryn iske asyrý qolǵa alynýda. Oblys ákimi Darhan Satybaldymen bekitilgen «Óńirlik jumyspen qamtý kartasy» aıasynda 118,9 myń jumys ornyn ashý kózdelýde. Al, óńirlik karta aıasynda 74,1 myń adamǵa turaqty jumysqa ornalasý múmkindigi beriledi.
Búginde Óńirlik karta boıynsha 45 197 jumys oryndary ashylyp, onyń ishinde 15 289 oryn turaqty. Bul rette, Memleket basshysynyń tapsyrmasy negizinde 10 myń turǵynǵa 100 jumys orny baǵdarlamasy arqyly 4 345 turaqty jumys orny ashyldy. Sonymen qatar, Ulttyq jobalar boıynsha 3671 jumys oryndaryn ashý josparlanyp, naqty 87 joba arqyly 610 jumys orny ashyldy.
Jalpy oblys kóleminde 43,3 myń adamdy bos jáne jańa jumys oryndaryna joldaý josparlanyp, búginde 10 myńnan astam adam jumysqa ornalasty. Al, 43,2 myń adamdy ýaqytsha jumys oryndaryna joldaý kózdelip, naqty 20,5 myń adam sýbsıdııalanǵan ýaqytsha jumys oryndaryna ornalasty.
Aıta keteıik, Túrkistan oblysynda kásipkerlikke birqatar qoldaýlar kórsetilip keledi. Oǵan dálel 2024 jyly 7,2 myń adamǵa kásipkerlik bastamalaryna grant jáne shaǵyn nesıe berý jumystary qarastyrylýda. Onyń ishinde áleýmettik osal toptaǵy azamattar arasynan 1 793 adamǵa bıznes-ıdeıasyn damytýǵa granttar berý, «Aýyl amanaty» jobasy boıynsha 4 803 jańa jumys oryndaryn ashý, 621 jas kásipkerlerge 2,5 paıyzben 5 mln. teńge jeńildetilgen shaǵyn nesıe berý kózdelýde. Bul baǵytta jumystar jalǵasýda.
Túrkistan oblysy ákiminiń baspasóz qyzmeti
