Äielge ūiatsyz ūsynys jasaǧan dep mandatynan aiyrylǧan Asqar Sadyqov jelıde qazaqstandyqtarǧa video joldady, dep habarlaidy “Adyrna” ūlttyq portaly.
Būrynǧy deputat 6 balanyŋ äkesı ekenın aita kele, Azat Peruaşevtyŋ mälımdemesın joqqa şyǧardy.
«Menı özıŋızdıŋ las oiynyŋyzǧa aralastyrmaŋyz. Manipuliasiia jasamaŋyz. Men endı ündemei qala almaimyn. Jasalǧan mälımdeme partiia basşysynyŋ deŋgeiıne sai emes, degenmen Azat Peruaşev halyqty talai adastyrǧan, onyŋ jūmys ısteu stilı sondai.
Azat Peruaşev sızge aitarym, eger menı partiiadan şyǧaryp jıbergıŋız kelgen bolsa, menıŋ abyroiymdy tüsıretın las aiyptar taqpai, basqa dälelder keltırseŋız bolar edı. Eger sızdıŋ aitqanyŋyz ras bolsa, sız mūny äuelı menımen jäne partiia müşelerımen mamyr aiynda talqylar edıŋız», - dedı ol.
Aituynşa, bolǧan jaǧdai mäjılıstıŋ tärtıptık keŋesınde talqylanbaǧan.
«Qazır men de basqa azamattar siiaqty osy habardy estıp töbemnen jai tüskendei bolyp otyrmyn. Būqaralyq aqparat qūraldarynyŋ arqasynda sızdıŋ bükıl jalǧan mälımdemelerıŋız elge belgılı. Soǧan qaraǧanda Azat Peruaşev özınıŋ orynbasarynyŋ Ūlttyq gvardiianyŋ generalyna para bergenı turaly aqparatty jasyryp qalǧysy kelıp, aqparat auanyn maǧan būruǧa tyrysqan siiaqty. Azat Peruaşev sız maqsatyŋyzǧa jettıŋız», - deidı eks deputat.
Eske salaiyq, būǧan deiın «Aqjol» partiiasynyŋ töraǧasy Azat Peruaşev Asqar Sadyqovtyŋ ne üşın mandatynan aiyrylǧanyn habarlaǧan bolatyn.
Ūqsas jaŋalyqtar
