استانا قالاسى اكىمدىگىنىڭ مۋزىكالىق جاس كورەرمەن تەاترى ءوزىنىڭ V ماۋسىمىن 5 قىركۇيەك كۇنى ساعات 19:00-دە اۆتورى مۇحتار اۋەزوۆتىڭ «اباي-توعجان» (ينستسەنيروۆكا اۆتورى ميراس ءابىل) مۋزىكالىق دراماسىمەن اشادى.
قويىلىم رەجيسسەرى - تەاتردىڭ ديرەكتورى ءارى كوركەمدىك جەتەكشىسى، قازاقستاننىڭ ەڭبەك سىڭىرگەن قايراتكەرى- اسحات ماەميروۆ.
«اباي-توعجان» مۋزىكالىق دراماسى بۇگىنگە دەيىنگى ۇلى اقىن جايلى قويىلعان شىعارمالاردان بولمىسى بولەك، بەينەسى ەرەك جاڭا تۋىندى. بالالار مەن جاسوسپىرىمدەردىڭ دۇنيەتانىمىنا، تالعامىنا، رۋحاني بولمىسىنىڭ قالىپتاسۋىنا اسەر ەتەتىن بۇل قويىلىم - اباي عۇمىرىنىڭ بوزبالا كەزەڭىنەن كورىنىس بەرەدى.
جاس ابايدىڭ جۇرەگىندە ويانعان العاشقى ماحابباتى، كوكىرەگىندە تۋعان تۇڭعىش جىرى اۋەزدى انگە اينالىپ، ىشكى سەزىم تەبىرەنىستەرىن الاساپىران كۇيگە سالادى. توعجانعا دەگەن ىڭكار سەزىم – ومىرگە دەگەن قۇشتارلىققا ۇلاسىپ، ابايدىڭ ادامزاتقا دەگەن اسقاق ماحابباتىنىڭ تەمىرقازىعىنا اينالدى. قۇنانبايداي اكەنىڭ ونەگەسى، ۇلجانداي انانىڭ تاربيەسى، قورشاعان ورتانىڭ تىلسىم سىرى، عاشىقتىقتىڭ عالاماتى، دوس پەن باۋىردىڭ قادىرى جاس كورەرمەننىڭ جانىنا رۋحاني ءلاززات سىيلاپ، ساناسىنا كوركەم كوزقاراس قالىپتاستىرۋعا ىقپال ەتەدى. اباي پوەزياسىنداعى ويلى جىرلار مەن ەستى اندەر ورىندالاتىن قويىلىمدا ۇلتتىمىزدىڭ قۇندىلىقتارى ساحنا بيىگىنە كوتەرىلەدى. حالىقتىق سانا، ۇلتتىق تاربيە، بابالار ءداستۇرى، ۇلى دالا ۇلاعاتى -عاشىق ابايدىڭ جان سۇزگىسىنەن ءوتىپ، جاس سۋرەتكەردى «سۇيەسىڭ جۇرەك، كۇيەسىڭ» دەگەن ۇعىمدارىنا قاراي جەتەلەي بەرەدى. جاس ابايدىڭ الەمى – كورەرمەنگە «عاشىقتىڭ ءتىلى – ءتىلسىز ءتىل» ەكەندىگىن ۇقتىرادى.
سونىمەن قاتار، جاڭا ماۋسىمدا دا تەاتر ۇجىمى سۇيىكتى كورەرمەندەرىنە دايىنداعان تىڭ تۋىندىلارى دا جەتەرلىك. تەاتر ۇجىمى ءوز كورەرمەنىمەن ساعىنا قاۋىشاتىندىعىن قۋانا حابارلايمىز!
«اباي-توعجان» مۋزىكالىق دراماسىندا سۋرەتتەلەتىن قازاق ەلىنىڭ ۇلى ويشىلى، اقىن اباي قۇنانبايۇلىنىڭ بوزاڭ قىردا وتكەن بالالىق شاعىمەن كىرشىكسىز ماحابباتى، سەزىمگە تولى ولەڭ جىرلارى كورەرمەندى بەي-جاي قالدىرمايتىنى انىق.
قويىلىم رەجيسسەرى- تەاتردىڭ ديرەكتورى ءارى كوركەمدىك جەتەكشىسى، قازاقستاننىڭ ەڭبەك سىڭىرگەن قايراتكەرى- اسحات ماەميروۆ.
ينستسەنيروۆكا اۆتورى - ميراس ءابىل.
مۋزىكالىق كەڭەسشى - ديماش قۇدايبەرگەن (قازاقستاننىڭ ەڭبەك سىڭىرگەن قايراتكەرى).
قويۋشى سۋرەتشى - الما سىرباەۆا.
كومپوزيتور - باۋىرجان اقتاەۆ.
بالەتمەيستر - شىرىن مۇستافينا
حورمەيستر - عالىمجان بەرەكەشەۆ
