اقتاۋ قالاسىنىڭ 19 جاستاعى تۇرعىنى كاسپي تەڭىزىنە شومىلامىن دەپ سۋعا باتىپ كەتتى. اقپاراتتى ماڭعىستاۋ وبلىسىنىڭ توتەنشە جاعدايلار دەپارتامەنتى راستادى، - دەپ حابارلايدى "ادىرنا" ۇلتتىق پورتالى.
پوليتسەيلەر مەن قۇتقارۋشىلار شاقىرتۋ بويىنشا دەرەۋ وقيعا ورىن العان تەڭىز جاعالاۋىنا جەتكەن.
وبلىستىق توتەنشە جاعدايلار دەپارتامەنتى قايعىلى وقيعانىڭ 3 قىركۇيەك كۇنى ساعات 18:55-تە اقتاۋ قالاسىنداعى 7-ا شاعىن اۋدانىندا بولعانىن حابارلادى.
«كاسپي تەڭىزىنىڭ جاعالاۋىندا (تەرەڭدىگى – 2 مەتر، جاعادان – 100 مەتر) توتەنشە جاعداي جاساعىنىڭ كۇشتەرى (9 قۇتقارۋشى، 2 تەحنيكا، 1 ءجۇزۋ قۇرىلعىسى جانە 1 ۇشقىشسىز ۇشاق) سۋعا باتقان ازاماتتى تاۋىپ، سۋدان الىپ شىقتى. 2005 جىلى تۋعان ت. ەسىمدى جىگىتتىڭ دەنەسى شومىلۋ ءۇشىن جابدىقتالماعان جەردەن تابىلدى»، - دەلىنگەن ۆەدومستۆو حابارلاماسىندا.
