Aqtaý qalasynyń 19 jastaǵy turǵyny Kaspıı teńizine shomylamyn dep sýǵa batyp ketti. Aqparatty Mańǵystaý oblysynyń Tótenshe jaǵdaılar departamenti rastady, - dep habarlaıdy "Adyrna" ulttyq portaly.
Polıeıler men qutqarýshylar shaqyrtý boıynsha dereý oqıǵa oryn alǵan teńiz jaǵalaýyna jetken.
Oblystyq tótenshe jaǵdaılar departamenti qaıǵyly oqıǵanyń 3 qyrkúıek kúni saǵat 18:55-te Aqtaý qalasyndaǵy 7-A shaǵyn aýdanynda bolǵanyn habarlady.
«Kaspıı teńiziniń jaǵalaýynda (tereńdigi – 2 metr, jaǵadan – 100 metr) Tótenshe jaǵdaı jasaǵynyń kúshteri (9 qutqarýshy, 2 tehnıka, 1 júzý qurylǵysy jáne 1 ushqyshsyz ushaq) sýǵa batqan azamatty taýyp, sýdan alyp shyqty. 2005 jyly týǵan T. esimdi jigittiń denesi shomylý úshin jabdyqtalmaǵan jerden tabyldy», - delingen vedomstvo habarlamasynda.
