سونداي-اق، ساۋدا 2025 جىلعى 26, 27, 28, 29 مامىردا استانا ق.ۋاقىتى بويىنشا 09:00-دەن 10:00-گە دەيىن وتەدى. ساۋدا سەسسياسى قوسارلانعان قارسى اۋكتسيون رەجيمىندە وتەدى.
بيتۋم — بۇل جول قۇرىلىسىندا، اەرودرومداردا جانە گيدرووقشاۋلاۋ جۇمىستارىندا كەڭىنەن قولدانىلاتىن تۇتقىرلىعى جوعارى مۇناي ءونىمى. بند 100/130 ماركاسى تەمپەراتۋرانىڭ وزگەرۋىنە جانە مەحانيكالىق جۇكتەمەلەرگە جاقسى توزىمدىلىگىمەن ەرەكشەلەنەدى، بۇل ونى قازاقستاننىڭ جول سالاسىندا قولدانۋ ءۇشىن وڭتايلى ەتەدى.
ساۋداعا قاتىسۋ ءۇشىن كليرينگتىك ورتالىققا مامىلەنىڭ بولجامدى سوماسىنىڭ 15% مولشەرىندە كەپىلدىك قامتاماسىز ەتۋدى ەنگىزۋ قاجەت. ساۋدا سەسسياسى بارىسىندا قالىپتاساتىن مۇناي ءونىمى باعاسىنىڭ ەڭ جوعارى دەڭگەيى بازالىق باعانىڭ 101 پايىزىنان اسپاۋى ءتيىس.
مۇرات قاديسوۆ، «كاسپي» تاۋار بيرجاسى» اق پرەزيدەنتى:
«بيتۋم — بۇل ەلدىڭ ينفراقۇرىلىمدىق دامۋى ءۇشىن ستراتەگيالىق ماتەريال. بيرجالىق ساۋدا ارقىلى ءبىز نارىق قاتىسۋشىلارىنا ونى ءادىل باعامەن، اشىق ەرەجەلەرمەن جانە دەلدالدارسىز ساتىپ الۋعا مۇمكىندىك بەرەمىز. ءبىزدىڭ ماقساتىمىز — نارىقتى قالىپتاستىرۋ عانا ەمەس، ونى قۇرىلىسشىلاردان باستاپ مەملەكەتتىك تاپسىرىس بەرۋشىلەرگە دەيىن بارلىعىنا ءتيىمدى ەتۋ».
«كاسپي» تاۋار بيرجاسى» اق – مۇناي ونىمدەرىن، كومىردى جانە تسەمەنتتى قوسا العاندا، تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ەڭ جوعارى ESG-باعاسىنا يە.
بۇۇ جاھاندىق شارتىنىڭ تولىققاندى قاتىسۋشىسى بولعان تمد اۋماعىنداعى العاشقى بيرجالىق الاڭ سانالادى. سونداي-اق، «كاسپي» – KASE قازاقستان قور بيرجاسىنىڭ رەسمي ليستينگىنە ەنگىزىلگەن ەلدەگى جالعىز تاۋار بيرجاسى.
