قازاقستاندا سوڭعى جىلدارى دامۋ توقتادى...

1249

نەگىزى وزبەكستاندا پرەزيدەنت اۋىسقالى كۇردەلى وزگەرىستەر بار. ەل دامۋ مەن جاڭارۋعا بەت الدى. بىزدە سوڭعى جىلدارى دامۋ توقتادى دەسە دە بولادى. ينفلياتسيانى ەسەپكە الساق حالىقتىڭ تابىسى 2012-2013 جىلعى دەڭگەيدە تۇراقتاپ قالدى. ەكسپورتقا ءونىم شىعارعان وندىرىستەر جوقتىڭ قاسى. سوڭعى ءۇمىت جاڭا پرەزيدەنتتە. بىراق بۇل سەنىم كرەديتى دە سوزىلمالى ەمەس. ارى كەتسە 1-2 جىل. بۇل ۋاقىت وتكەننەن كەيىن حالىق جاڭا پرەزيدەنتتەن دە ءبىرجولا ءۇمىتىن ءۇزىپ، پرەزيدەنتتىڭ ءوزىن سىنعا الىپ، وزبەكستان سەكىلءدى بيلىكتى ءبىرجولا جاڭارتاتىن جاڭا جولدى ىزدەي باستايدى. نە الداعى 1-2 جىلدا حالىق بۇل جۇيەنىڭ وزگەرىس الىپ كەلەتىنىنە سەنىپ توقتايدى. نە جاپپاي بەرەكەتسىزدىك پەن جەر-جەردەن باس كوتەرگەن قوزعالىستار باستالادى. تاڭداۋ، شەشىم قابىلداۋ، جولدى باستاۋ تەتىكتەرى جۇيەنىڭ ءوز قولىندا. اداسپايتىن شىعار. كەيدە ۇزاق جىل ەل باسقارعان تۇلعانىڭ قانشا جەردەن گەني بولسا دا بيلىكتەن جارتىلاي كەتپەي، ءبىرجولا كەتىپ تە ەلگە قىزمەت ەتكەنى جاقسى.

قازىر ءبىزدى ۇستاپ تۇرعان ءبىر نارسە التەرناتيۆانىڭ جوقتىعى. شىقسا حالىق جاڭا ليدەردىڭ سوڭىنان تۇتاس ەرىپ كەتكەلى تۇر. ساۋاتتى التەرناتيۆا جوق جەردە كىم كورىنگەن تىزگىندى ۇستاپ شىعۋى عاجاپ ەمەس. بۇل قاۋىپتى. بىراق ەندى 1-2 جىلدا وزگەرىس بولماسا حالىق التەرناتيۆا، جاڭا ليدەر دەگەنىڭە قاراماي جايپاپ وتەدى-اۋ.

 

باۋىرجان سەرىكباەۆ

"ادىرنا" ۇلتتىق پورتالى

پىكىرلەر