Qazaqstanda sońǵy jyldary damý toqtady...

1247

Negizi Ózbekstanda prezıdent aýysqaly kúrdeli ózgerister bar. El damý men jańarýǵa bet aldy. Bizde sońǵy jyldary damý toqtady dese de bolady. Inflıaııany esepke alsaq halyqtyń tabysy 2012-2013 jylǵy deńgeıde turaqtap qaldy. Eksportqa ónim shyǵarǵan óndirister joqtyń qasy. Sońǵy úmit jańa prezıdentte. Biraq bul senim kredıti de sozylmaly emes. Ary ketse 1-2 jyl. Bul ýaqyt ótkennen keıin halyq jańa prezıdentten de birjola úmitin úzip, prezıdenttiń ózin synǵa alyp, Ózbekstan sekildi bılikti birjola jańartatyn jańa joldy izdeı bastaıdy. Ne aldaǵy 1-2 jylda halyq bul júıeniń ózgeris alyp keletinine senip toqtaıdy. Ne jappaı bereketsizdik pen jer-jerden bas kótergen qozǵalystar bastalady. Tańdaý, sheshim qabyldaý, joldy bastaý tetikteri júıeniń óz qolynda. Adaspaıtyn shyǵar. Keıde uzaq jyl el basqarǵan tulǵanyń qansha jerden genıı bolsa da bılikten jartylaı ketpeı, birjola ketip te elge qyzmet etkeni jaqsy.

Qazir bizdi ustap turǵan bir nárse alternatıvanyń joqtyǵy. Shyqsa halyq jańa lıderdiń sońynan tutas erip ketkeli tur. Saýatty alternatıva joq jerde kim kóringen tizgindi ustap shyǵýy ǵajap emes. Bul qaýipti. Biraq endi 1-2 jylda ózgeris bolmasa halyq alternatıva, jańa lıder degenińe qaramaı jaıpap ótedi-aý.

 

Baýyrjan SERIKBAEV

"Adyrna" ulttyq portaly

Pikirler