1 قىركۇيەكتەن باستاپ ەلىمىزدە ستۋدەنتتەر، ماگيسترانتتار مەن دوكتورانتتارعا بەرىلەتىن شاكىرتاقى مولشەرى ءوستى، دەپ حابارلايدى “ادىرنا” ءتىلشىسى.
پرەمەر-مينيستر ولجاس بەكتەنوۆ قاۋلىعا شىلدە ايىندا قول قويعان.
ەندى كوللەدج ستۋدەنتتەرى ءۇشىن ستيپەنديا 50% ارتىپ، جۇمىسشى ماماندىقتارى بويىنشا 43 574 تەڭگەنى، ورتا بۋىن ماماندارى ءۇشىن 41 896 تەڭگەنى قۇراپ وتىر.
ال باكالاۆر ستۋدەنتتەرىنىڭ ستيپەندياسى 20% – 47 135 تەڭگەگە دەيىن، ال پەداگوگيكالىق جانە مەديتسينالىق باعىتتاردا وقيتىندار 75 600 تەڭگەگە دەيىن ۇلعايدى.
مەديتسينا سالاسى ينتەرناتۋرا وقيتىندارعا ستيپەنديا 85 376 تەڭگە، ال رەزيدەنتۋرادا – 123 122 تەڭگە كولەمىندە تولەنەدى.
ماگيسترانتتار مەن دوكتورانتتارعا ستيپەنديا 15% - عا ۇلعايتىلدى: تيىسىنشە 107 061 تەڭگە جانە 240 000 تەڭگە بولدى
