اقتوبەدە كوللەدج باسشىسى پارا الدى دەگەن كۇدىكپەن ۇستالدى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
ALT اقتوبە گۋمانيتارلىق-تەحنيكالىق كوللەدج ديرەكتورى ستۋدەنتتەردەن پارا الدى دەگەن كۇدىكپەن ۇستالدى. بەيرەسمي مالىمەتتەردە كوللەدج ديرەكتورىنىڭ ستۋدەنتتەردىڭ سەسسياسىن جابۋ ءۇشىن اقشا العانى ايتىلادى.
ال اقتوبە وبلىستىق ءبىلىم باسقارماسى كوللەدج ديرەكتورىنىڭ ۇستالعانى تۋرالى اقپاراتتى راستاپ وتىر.
ء“يا، حابارىمىز بار. ءبىلىپ وتىرمىز. بۇل جەكە ءبىلىم بەرۋ ۇيىمى. بۇرىن م.تىنىشباەۆ اتىنداعى كوللەدج، ينستيتۋت فيليالى بولدى. قازىر ول جەردە گۋمانيتارلىق-تەحنيكالىق كوللەدج جۇمىس ىستەيدى. 720 ستۋدەنتى بار. ونىڭ ىشىندە 245 ستۋدەنت مەملەكەتتىك تاپسىرىسپەن ءبىلىم الادى. جاعدايعا قاتىستى جەكە كوللەدج باسشىسىنا قاتىستى تارتىپتىك نە بوساتۋ سەكىلدى شارا قولدانۋ ءبىزدىڭ قولىمىزدا ەمەس. ول وقۋ ورنىنىڭ قۇرىلتايشىسى بار، سول جۇمىس بەرۋشى تاراپتان شەشىم قابىلدانادى”، – دەدى اقتوبە وبلىستىق ءبىلىم باسقارماسى باسشىسىنىڭ ورىنباسارى نۇرگۇل بەرتىلەۋوۆا.
ALT اقتوبە گۋمانيتارلىق-تەحنيكالىق كوللەدجىنىڭ رەسمي پاراقشاسىنا سۇيەنسەك، 19 ماۋسىم كۇنى ديرەكتور جانىنداعى كەزەكتى وتىرىس وتكەن. وقۋ ورنىنىڭ ديرەكتورى 20 ماۋسىمدا ۇستالعان بولۋى مۇمكىن دەگەن اقپارات بار.
