پاۆلودار وبلىسى، شارباقتى اۋدانىنىڭ جىلىبۇلاق اۋىلىندا جەرگىلىكتى تۇرعىندار مەن قۇقىق قورعاۋ قىزمەتكەرلەرى اراسىندا اتىس بولىپ، جارالانعاندار بار دەگەن اقپارات جەتتى.
جىلىبۇلاق اۋىلىنىڭ بۇرىنعى اكىمى مەڭدىباي مەيىرمانوۆ بۇل اقپاراتتى راستاپ، اۋىلدا اتىس بولعانىن، جارالانعاندار بار ەكەنىن ايتتى. سوبر جەرگىلىكتى تۇرعىنداردىڭ كولىكتەرىن اتقان دەيدى. اۋىلدىڭ تۇرعىندارىنا حابارلاسقانىمىزدا بۇل قاقتىعىستىڭ جاز بويى جالعاسىپ كەلە جاتقانىن ايتتى.
جاقىندا عانا وسى اۋىلدىڭ جىگىتتەرى مەن كولدىڭ ينۆەستورلارى اراسىندا توبەلەس بولعان بولاتىن. مارالدى كولىنىڭ ينۆەستورى داۋلەت اسىلوۆ ءوزىنىڭ سوققىعا جىعىلعانىن رەسپۋبليكالىق باق-نا مالىمدەگەن.
مارالدىداعى جاعدايدى "ادىرنا" ۇلتتىق پورتالى ءوز باقىلاۋىندا ۇستايتىن بولادى. وقىس وقيعا تۋرالى ۋاقىتىلى حابارلاپ وتىراتىن بولامىز.
"ادىرنا" ۇلتتىق پورتالى
