Pavlodar oblysy, Sharbaqty aýdanynyń Jylybulaq aýylynda jergilikti turǵyndar men quqyq qorǵaý qyzmetkerleri arasynda atys bolyp, jaralanǵandar bar degen aqparat jetti.
Jylybulaq aýylynyń burynǵy ákimi Meńdibaı Meıirmanov bul aqparatty rastap, aýylda atys bolǵanyn, jaralanǵandar bar ekenin aıtty. SOBR jergilikti turǵyndardyń kólikterin atqan deıdi. Aýyldyń turǵyndaryna habarlasqanymyzda bul qaqtyǵystyń jaz boıy jalǵasyp kele jatqanyn aıtty.
Jaqynda ǵana osy aýyldyń jigitteri men kóldiń ınvestorlary arasynda tóbeles bolǵan bolatyn. Maraldy kóliniń ınvestory Dáýlet Asylov óziniń soqqyǵa jyǵylǵanyn respýblıkalyq BAQ-na málimdegen.
Maraldydaǵy jaǵdaıdy "Adyrna" ulttyq portaly óz baqylaýynda ustaıtyn bolady. Oqys oqıǵa týraly ýaqytyly habarlap otyratyn bolamyz.
"Adyrna" ulttyq portaly
