ەلىمىزدەگى ەڭ تومەنگى كۇنكورىس دەڭگەيى 55 731 تەڭگەگە دەيىن ءوستى. بۇل تۋرالى ۇلتتىق ستاتيستيكا بيۋروسى ايتتى، دەپ حابارلايدى «ادىرنا» ءتىلشىسى.
تامىز ايىندا ەڭ تومەنگى كۇنكورىس دەڭگەيى بويىنشا كوشباسشىلار ۇشتىگىنە ماڭعىستاۋ وبلىسى (68 687 تگ), الماتى (60 595 تگ) جانە استانا (59 851 تگ) قالالارى كىردى. اۋتسايدەرلەر قاتارىندا تۇركىستان (48 067 تگ), قىزىلوردا (49 566 تگ) جانە جامبىل وبلىستارى (51 453 تگ) بار.
جىنىستىق بولىنىستە ەر ادامداردىڭ ەڭ تومەنگى كۇنكورىس دەڭگەيى 65 250 تەڭگەنى، ال ايەلدەردە – 51 768 تەڭگەنى قۇرايدى. سونداي-اق زەينەتكەرلەردىڭ كۇنكورىس دەڭگەيى شىلدەدە 48 389 تەڭگەدەن تامىزدا 51 227-گە دەيىن وسكەن.
ايتا كەتەيىك، رەسپۋبليكالىق بيۋدجەت 2025 جىلدان باستاپ زەينەتاقىنى ۇلعايتۋدى جوسپارلاپ وتىر. بازالىق زەينەتاقى تولەمدەرى ۇلعايتىلادى جانە 2025 جىلى ەڭ تومەنگى بازالىق زەينەتاقى 47 700 تەڭگەنى قۇرايدى، ال 2027 جىلعا قاراي 55 145 تەڭگەگە دەيىن ۇلعايماق.
